શોધ / કોરોના શરીરમાં આવી કરે છે અસર, શું આ 1 કારણ દર્દીના મોત માટે જવાબદાર છે?

• કોરોનામાં સામે આવ્યું વધુ એક સત્ય
• ફેફસામાં લોહી ગંઠાવવાના કારણે થાય છે દર્દીનું મોત
• 100માંથી 23 દર્દીઓ લોહી ગંઠાવવાના કારણે મૃત્યુ પામે છે

શું કહે છે શોધનું પરિણામ

એક શોધમાં જાણવા મળ્યું છે કે મોટી હોસ્પિટલના 100 ગંભીર કોરોના દર્દીઓમાંથી 23 દર્દીઓમાં ફેફસાની ધમનીઓમાં લોહીના ગંઠાવાની સમસ્યા હતી. ઉપરાંત, ગંભીર કોરોના દર્દીઓમાં પ્લેટલેટની ગણતરીમાં ઘટાડો એ પણ એક લક્ષણ છે. આ કારણોસર, કોરોનાના ગંભીર સંક્રમણ વાળા દર્દીને આઇસીયુ બેડ અને વેન્ટિલેટરની જરૂર પડે છે. હકીકતમાં કોવિડ 19ના ફેફસામાં લોહીનું ગંઠાવવું એક મોટું લક્ષણ બની રહ્યું છે.  એક અધ્યયનમાં કહેવામાં આવ્યું છે કે 106 ગંભીર કોરોના દર્દીઓમાં 30 ટકાના ફેફસામાં લોહીના ગઠ્ઠા જામી ગયા હતા. 

કેવી રીતે શરીર પર કરે છે અસર

એકવાર ચેપ દર્દીમાં ગંભીરતાથી આગળ વધે છે ત્યારે શરીરમાં લોહીની ગંઠાઇ જવાનું શરૂ થાય છે. જેમ જેમ ચેપ ગંભીર બને છે તેમ લોહી ગંઠાઇ જવાથી ફેફસાં, હૃદય અને મગજ પર અસર પડે છે, જેના કારણે સ્ટ્રોકની સમસ્યા સર્જાય છે. જો કે અત્યાર સુધીના રોગીમાં લોહી ફેફસામાં ગંઠાયું છે અને કેટલાક કેસમાં હ્રદય અને મગજમાં પણ લોહીના ગઠ્ઠા જામેલા જોવા મળ્યા છે. 

શોધ માટેનો ડેટા ચીનમાંથી લેવાયો

લોહી ગંઠાઈ જવાની પ્રક્રિયાની શોધમાં મોટાભાગનો ડેટા ચીનમાંથી લેવાયો છે. રિસર્ચમાં જણાવાયું છે કે ચીનના લોકો કરતાં ગોરા લોકોમાં લોહી ગંઠાવવાની પ્રક્રિયા વધારે છે. જે પણ કોરોના દર્દીની સ્થિતિ ગંભીર બની છે તેમની પર ડોક્ટર લોહી ગંઠાવવાની સમસ્યા પર ધ્યાન આપી રહ્યા છે. આઈસીયૂમાં એડમિટ દર્દીઓને લોહી જામવાનો ખતરો વધારે હોય છે. 

કોરોના વાયરસ પર જેટલું વધુ સંશોધન થઈ રહ્યું છે તેટલી વધુ નવી વાતો બહાર આવી રહી છે. આ રોગ સમગ્ર વિશ્વમાં ડોકટરોની સામે એક પડકાર તરીકે ઉભરી આવ્યો છે. જો કે, આ નવા સંશોધનને કારણે ડોકટરો આ રોગચાળા સામે વધુ મકકમ રીતે ઊભા રહેવા માટે સક્ષમ બની રહ્યા છે.