સ્પોર્ટ્સ / ઈરફાન પઠાણને રેલો આવ્યો, ઈશાન-અય્યરના સપોર્ટમાં હાર્દિક પંડ્યાંને ખંખેરી નાખ્યો ! BCCI પણ લપેટામાં

Irfan Pathan Statement  : ક્રિકેટજગતથી એક મોટા સમાચાર સામે આવ્યા છે. વાત જાણે એમ છે કે, ઈશાન કિશન અને શ્રેયસ અય્યર માટે 28 ફેબ્રુઆરીનો દિવસ ખૂબ જ ખરાબ હતો. આ દિવસે બંને ખેલાડીઓએ તેમના કેન્દ્રીય કરાર ગુમાવ્યા હતા. બુધવારે BCCIએ નવા સેન્ટ્રલ કોન્ટ્રાક્ટની જાહેરાત કરી હતી અને તેમાં 30 ખેલાડીઓનો સમાવેશ કરવામાં આવ્યો હતો. પરંતુ ઇશાન અને અય્યર છેલ્લા કેટલાક મહિનાઓથી ટીમના મહત્વના સભ્યો હોવા છતાં પણ આ યાદીમાંથી ગાયબ હતા. 

એવું કહેવામાં આવી રહ્યું છે કે, પસંદગીકારો આ બંનેથી નારાજ થઈ ગયા કારણ કે તેઓ ફર્સ્ટ ક્લાસ ક્રિકેટને મહત્વ નથી આપતા. આ દરમિયાન ઈરફાન પઠાણે એક ટ્વીટ કર્યું છે જે, BCCIના આ નિર્ણય અને તેની નીતિ પર સવાલ ઉઠાવી રહ્યું છે. ઈશારામાં તેણે BCCIને આ સવાલ પૂછ્યો છે કે જો હાર્દિક પંડ્યા લાલ બોલની ક્રિકેટ રમી શકતો નથી તો શું તેણે પોતાના ફ્રી સમયમાં ઘરેલુ ક્રિકેટમાં સફેદ બોલની ટૂર્નામેન્ટ ન રમવી જોઈએ?

They are talented cricketers, both Shreyas and Ishan. Hoping they bounce back and come back stronger. If players like Hardik don’t want to play red ball cricket, should he and others like him participate in white-ball domestic cricket when they aren’t on national duty? If this…

— Irfan Pathan (@IrfanPathan) February 29, 2024

A કેટેગરીમાં છે હાર્દિક પંડ્યા
તમને જણાવી દઈએ કે, હાર્દિક પંડ્યાને સેન્ટ્રલ કોન્ટ્રાક્ટની A કેટેગરીમાં રાખવામાં આવ્યો છે અને તેના માટે તેને વાર્ષિક 5 કરોડ રૂપિયા મળશે. પરંતુ મોટી વાત એ છે કે તે ન તો કોઈ ફર્સ્ટ ક્લાસ મેચ રમે છે અને ન તો ટેસ્ટ ક્રિકેટ રમે છે. આ સિવાય તે સૈયદ મુશ્તાક અને વિજય હજારે ટ્રોફી જેવી ટૂર્નામેન્ટ પણ નથી રમતો પરંતુ તેમ છતાં તેને સેન્ટ્રલ કોન્ટ્રાક્ટ મળે છે.

વધુ વાંચો: કોહલી, જાડેજા A+માં તો શમીને ગ્રેડ Aમાં સ્થાન: BCCIના સેન્ટ્રલ કોન્ટ્રાક્ટમાં કયા ખેલાડીઓને અપાયું સ્થાન? જુઓ લિસ્ટ

અહીં એક વાત મહત્વની છે કે, હાર્દિક પંડ્યાનો મામલો થોડો અલગ છે. જ્યારે પણ હાર્દિક ટીમ ઈન્ડિયાની બહાર હોય છે, તેનું કારણ ઈજા હોય છે. આવું ભાગ્યે જ જોવા મળે છે જ્યારે હાર્દિક પંડ્યા ફિટ હોય અને ટીમ ઈન્ડિયા માટે ન રમે. પંડ્યા ઈજા બાદ રિકવરીના તબક્કામાં છે અને તેથી BCCI તેના કેસમાં વધુ જોખમ લેતું નથી. એક કારણ એ છે કે ટીમ ઈન્ડિયા પાસે પંડ્યા જેવો ખેલાડી નથી. મતલબ કે મીડિયમ પેસ સિવાય પંડ્યા પણ સારી બેટિંગ કરે છે અને આ જ કારણ છે કે ટીમ ઈન્ડિયા ઈચ્છે છે કે, તે ICC ટૂર્નામેન્ટ માટે ફિટ રહે.

VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો