ચેન્નઈના ચેપૉક સ્ટેડિયમ પરથી જે ફોટોઝ સામે આવ્યા છે. ચેન્નઈ સુપર કિંગ્સની કોલકત્તા નાઈટ રાઈડર્સ સામે હાર થઈ હતી. મેચ પછી જે કંઈપણ થયું તે જીત કરતા પણ વધુ મહત્ત્વપૂર્ણ છે.
Share
ચેન્નઈ સુપર કિંગ્સની કોલકત્તા નાઈટ રાઈડર્સ સામે હાર
ચેપૉક સ્ટેડિયમમાં જોવા મળ્યો અદભુત નજારો
સુનીલ ગાવસ્કરના શર્ટ પર આપ્યો ઓટોગ્રાફ
ચેન્નઈના ચેપૉક સ્ટેડિયમ પરથી જે ફોટોઝ સામે આવ્યા છે, તે ઘણું બધુ કહી રહ્યા છે. આ ફોટોઝ KKR સામેની મેચ પછીના છે. ચેન્નઈ સુપર કિંગ્સની કોલકત્તા નાઈટ રાઈડર્સ સામે હાર થઈ હતી. મેચ પછી જે કંઈપણ થયું તે જીત કરતા પણ વધુ મહત્ત્વપૂર્ણ છે.
IPL 2023માં ચેન્નઈમાં CSKની છેલ્લી મેચ હતી. આ ટીમે પ્લેઓફ માટે ક્વોલિફાય કર્યું નથી. CSKની KKR સામે હાર પછી ક્વોલિફિકેશનના ચાન્સ પણ ઘટી ગયા છે. CSKએ કોઈપણ સંજોગોમાં છેલ્લી ગૃપ મેચમાં દિલ્હી કેપિટલ્સ સામેની મેચ જીતવી પડશે.
MS Dhoni અને CSK ના ખેલાડીઓએ ચેપૉક સ્ટેડિયમના લગાવ્યા ચક્કર
KKR સામે હાર પછી ચેન્નઈના મેદાન પર જે કંઈપણ થયું તે જાણવા લાયક છે. એમ એસ ધોની સહિત ચેન્નઈ સુપર કિંગ્સના તમામ ખેલાડીઓએ ચેપૉક સ્ટેડિયમના ચક્કર લગાવ્યા છે અને ફેન્સનું અભિવાદન કર્યું છે. ફેન્સને અલગ અલગ ગિફ્ટ પણ આપી હતી. જેમાં ટીમની જર્સીથી લઈને સાઈન કરેલ ટેનિસ બોલ પણ શામેલ હતા. એમ એસ ધોની ટેનિસ રેકેટથી બોલ પેવેલિયનમાં ફેન્સ સુધી પહોંચાડી રહ્યા હતા.
સુનીલ ગાવસ્કરના શર્ટ પર આપ્યો ઓટોગ્રાફ
CSKના ભવ્ય નજારામાં સુનીલ ગાવસ્કરનો ઓટોગ્રાફ લેવાનો અંદાજ ખૂબ જ શાનદાર રહ્યો હતો. ધોની પાસે ઓટોગ્રાફ લેવા માટે ક્રિકેટ ફેન્સની જેમ દોડીને આવ્યા હતા. સુનીલ ગાવસ્કર આવતા ધોનીએ તેમને પહેલા ગળે લગાવ્યા અને પછી શર્ટ પર ઓટોગ્રાફ આપ્યો. જેના પરથી જાણવા મળે છે કે, ભારતીય ક્રિકેટમાં ધોનીનું કદ ખૂબ જ મોટું રહ્યું છે અને સુનીલ ગાવસ્કર આટલા મહાન શા માટે છે?
રિંકૂ સિંહની જર્સી પર આપ્યા ઓટોગ્રાફ
પોસ્ટ મેચ પ્રેઝન્ટેશન દરમિયાન KKRના ખેલાડી રિંકૂ સિંહને ધોનીએ એક સ્મૃતિ ચિહ્ન ભેટ કર્યું છે અને તેના પર ધોનીના ઓટોગ્રાફ છે. તમને જણાવી દઈએ કે, ધોનીએ KKRની જર્સી પર ઓટોગ્રાફ કરીને રિંકૂ સિંહને ભેટ આપી છે. KKRની જીતના હીરો રિંકૂ મહેન્દ્ર સિંહ ધોનીના ફેન છે, તે લગભગ તમામ લોકો જાણે છે.
