- ઈઝરાયેલ બાદ હવે તાઈવાનએ કરી મોટી ઓફર
- તાઈવાન એક લાખથી વધુ ભારતીયોને રોજગારી આપશે
- ફેક્ટરીઓમાં, ખેતરોમાં અને હોસ્પિટલોમાં કામ કરવા માટે નોકરી આપશે
Taiwan job: હવે દુનાયા આખીમાં ભારતીયો માટે રોજગારના દરવાજા ફટાફટ ખુલી રહ્યા છે. ઈઝરાયેલ બાદ હવે તાઈવાન પણ ભારતના એક લાખથી વધુ ભારતીયોને રોજગારી આપવાની યોજના બનાવી રહ્યું છે. તાઇવાન ભારતીયોને ફેક્ટરીઓમાં, ખેતરોમાં અને હોસ્પિટલોમાં કામ કરવા માટે નોકરી આપશે. ફર્સ્ટ પોસ્ટના અહેવાલ મુજબ આ કર્મચારીઓ આવતા મહિનાની શરૂઆતમાં ત્યાં જઈ શકેશે.
વિદેશ જવા માંગતા ભારતીયો માટે બખ્ખા
રિપોર્ટ અનુસાર તાઈવાનમાં બેરોજગારીનો દર સૌથી નીચા સ્તરે પહોંચી ગયો છે. આ સ્થિતિમાં તેને મેન્યુફેક્ચરિંગ, હેલ્થ અને એગ્રીકલ્ચર સેક્ટરમાં મોટી સંખ્યામાં કામદારોની જરૂર છે. જેના માટે પોતાના દેશમાં માણસો નથી. એવામાં તેણે ભારત તરફ સમાધાનનો હાથ લંબાવ્યો છે. રિપોર્ટ અનુસાર ભારત અને તાઈવાન વચ્ચે આવતા મહિને નોકરીઓ અંગે સમજૂતી થઈ શકે છે. તમને જણાવી દઈએ કે આ પહેલા હમાસ સાથે યુદ્ધ લડી રહેલા ઈઝરાયેલે પણ એક લાખ ભારતીયોને નોકરીની વાત કરી છે.
વાટાઘાટો અંતિમ તબક્કામાં
વિદેશ મંત્રાલયના પ્રવક્તા અરિંદમ બાગચીએ ગુરુવારે પુષ્ટિ કરી કે ભારત-તાઈવાન જોબ એગ્રીમેન્ટ હવે વાટાઘાટોના અંતિમ તબક્કામાં છે. આ કરાર એવા સમયે થવા જઈ રહ્યો છે જ્યારે તાઈવાનને તેની ઝડપથી વધતી વસ્તીને કારણે વધુ કામદારોની જરૂર છે. રિપોર્ટ અનુસાર વર્ષ 2025 સુધીમાં તાઈવાનની 20 ટકાથી વધુ વસ્તી 80 વર્ષની થઈ જશે. એવું માનવામાં આવે છે કે તાઈવાનની આ ઓફર બાદ ચીન ફરી એકવાર અસંમજસમાં મુકાઈ જશે.
સમાન પગાર અને વીમા જેવી તમામ સુવિધાઓ અપાશે
તાઈવાને ભારતના કુશળ કામદારોને તેમના દેશના કામદારોની સમાન પગાર અને વીમા જેવી તમામ સુવિધાઓ આપવાની ઓફર કરી છે. તમને જણાવી દઈએ કે, આ પહેલા ભારત જાપાન, ઓસ્ટ્રેલિયા અને ફ્રાન્સ સહિત 13 દેશો સાથે આવા કરાર થઈ ચૂક્યા છે. તાજેતરમાં જ ઈઝરાયેલે ભારત પાસે તાત્કાલિક અસરથી એક લાખ કામદારોની માંગણી કરી છે. કારણ કે ઈઝરાયેલે 90 હજાર પેલેસ્ટાઈનની પરમિટ રદ કરી દીધી છે.
