- તાઈવાન ભારતને આપી શકે છે દિવાળીની સૌથી મોટી ભેટ
- 100,000 થી વધુ ભારતીયોને નોકરી પર રાખશે તાઈવાન
- આ ભેટને કારણે ચીનને ઘણું ખરાબ લાગી શકે છે
તાઈવાન તરફથી ભારતને દિવાળી નિમિત્તે એક મોટી ભેટ આપવામાં આવી શકે છે. ખુશીની વાત એ છે કે તાઇવાન દ્વારા એક લાખથી વધુ ભારતીય લોકોને રોજગાર આપવા જઈ રહ્યું છે.આ ડીલ પાર પડી જશે તો તાઈવાન અને ભારતના સંબંધોમાં મજબૂતી વધી શકે છે. જેથી ચીનની મુશ્કેલી પણ વધી શકે છે. સૂત્રોમાંથી જાણવા મળતી વિગત અનુસાર તાઇવાન ફેક્ટરીઓ, ફાર્મ અને હોસ્પિટલોમાં કામ કરવા માટે 100,000 થી વધુ ભારતીયોને નોકરી પર રાખી શકે છે. ડિસેમ્બર સુધીમાં આ ડીલ થઈ શકે છે.
તાઇવાનને કર્મચારીઓની જરૂર છે
તાઇવાનના લોકો સતત વૃદ્ધ થઈ રહ્યા છે જેને લઈને તેમને કામદારોની જરૂરત ઊભી થઈ રહી છે બીજી બાજુ ભારતની અર્થવ્યવસ્થા ભલે દુનિયાના બાકી દેશો નહીં સરખામણીએ તેજ હોય પરંતુ તે દર વર્ષે શ્રમ બજારમાં લાખો નોકરીઓ પેદા કરવા માટે પૂરતું નથી.
એક અંદાજ મુજબ તાઇવાન 2025 સુધીમાં "સુપર એડઝ" સમાજ બની જશે, જેમાં વૃદ્ધ લોકો વસ્તીના પાંચમા ભાગ કરતાં વધુ હોવાનો અંદાજ છે. બીજી બાજુ ભારત-તાઈવાન જોબ ડીલ હવે ફાઇલિંગ સ્ટેજ પર હોવાનું ભારતના વિદેશ મંત્રાલયના પ્રવક્તા અરિંદમ બાગચીએ ગુરુવારે જણાવ્યું હતું.
આ દેશો સાથે પણ જોબ ડીલ ચાલી રહી છે
તાઇવાનમાં બેરોજગારીનો દર 2000 પછી તેના સૌથી નીચા સ્તરે આવી ગયો છે, સરકારને તેની $790 બિલિયનની અર્થવ્યવસ્થા ચાલુ રાખવા માટે કામદારોની ખાસ જરૂર ઉભી થઇ છે. જેથી હવે તાઈવાન ભારતીય કામદારોને સ્થાનિકોની જેમ પગાર અને વીમા પોલિસી ઓફર કરી રહ્યું છે. આ વર્ષે ભારત ચીનને પાછળ છોડી વિશ્વનો સૌથી વધુ વસ્તી ધરાવતો દેશ બની ગયો છે. ભારત સરકારે જાપાન, ફ્રાન્સ અને યુકે સહિત 13 દેશો સાથે ડીલ કરી હોવાનો નિષ્ણાતો દ્વારા દાવો કરાઈ રહ્યો છે.
