ક્રિકેટ / IND vs NEP : ચાલુ મેચમાં એવું તો શું થયું કે ગુસ્સે ભરાયો રોહિત શર્મા, વિરાટ કોહલીએ તરત માંગી લીધી માફી

• ચાલુ મેચમાં ગુસ્સે ભરાયો હતો રોહિત
• એવું તો શું થયું હતું મેચમાં? 
• વિરાટ કોહલીએ તરત માંગી લીધી માફી

ઈન્ડિયા અને નેપાળની મેચમાં રોહિત શર્મા અને શુભમન ગિલની દમદાર બેટિંગ અને વરસાદ બાદ ભારતને 10 વિકેટથી જીત મળી. આ જીતની સાથે જ ભારતીય ટીમ એશિયા કપ 2023ની સુપર-4માં પહોંચી ગઈ છે. નેપાળના વિરૂદ્ધ મેચમાં ભારતીય ટીમે ભલે એકતરફી જીત નોંધાવી હોય. પરંતુ એક વસ્તુએ કેપ્ટન સહિત ટીમ મેનેજમેન્ટની ચિંતા જરૂર વધારી દીધી હશે. 

Virat Kohli apologise to Rohit Sharma for a wild throw

📸hotstar#ViratKohli𓃵 #rohitsharma #AsiaCup2023 pic.twitter.com/YgfnTGBnTD

— India Fantasy (@india_fantasy) September 4, 2023

આ મેચમાં ભારતીય ટીમની ફિલ્ડિંગ થોડી ડાઉન જોવા મળી હતી. પાંચ ઓવરની અંદર નેપાળના ત્રણ કેચ છુટી ગયા હતા. કેચ છોડનાર પ્લેયર શ્રેયસ અય્યર, વિરાટ કોહલી અને ઈશાન કિશાન હતા. અય્યર અને વિરાટને બેસ્ટ ફિલ્ડરોમાં શામેલ કરવામાં આવે છે. 

ત્યાં જ ઈશાન કિશાન પણ વિકેટ પાછળ ખૂબ જ સતર્ક હોય છે. આટલું જ નહીં આખી મેચમાં નેપાળને 10-15 રન તો એક્સ્ટ્રા મળી ગયા હતા. પરંતુ આ સમયે એવી પણ એક ઘટના બની જેનો વીડિયો સોશિયલ મીડિયા પર વાયરલ થઈ રહ્યો છે. 

રોહિત શર્માને વાગ્યો વિરાટનો થ્રો 
વિરાટ કોહલીએ એક થ્રો એવો આપ્યો જે રોહિત શર્માને સીધો જઈને પેટની નીચે વાગ્યો. અને વિરાટ કોહલીએ તરત હાથ જોડીને તેમની માફી પણ માંગ લીધી. રોહિતને થોડા સમય સુધી તે ખૂબ દુખ્યું. તેમના ચહેરાનો રંગ ઉડી ગયો હતો. પરંતુ થોડા સમયમાં તે ઠીક થઈ ગયા અને શાનદાર બેટિંગ કરી.