- 3 દિવસ બાદ ટી20 સીરીઝની થશે શરૂઆત
- ટીમ ઈન્ડિયા અને ઑસ્ટ્રેલિયા ફરી આમને-સામને
- 5 દિવસની રહેશે આ ટી20 સીરીઝ
વનડે વર્લ્ડકપ 2023ની ફાઈનલ મેચમાં ટીમ ઈન્ડિયાને ઑસ્ટ્રેલિયા સામે હારનો સામનો કરવો પડ્યો. પરંતુ 3 દિવસ બાદ આ બંને ટીમો ફરી આમને-સામને થવાની છે. 2024માં ટી20 વર્લ્ડ કપ શરૂ થવા જઈ રહ્યું છે. ટીમ ઈન્ડિયા આ ટૂર્નામેંટની તૈયારી ઑસ્ટ્રેલિયાની સામે થનારી ટી20 સીરીઝથી કરશે. આ સીરીઝ 23 નવેમ્બરથી ભારતમાં જ રમાશે.
ભારત-ઑસ્ટ્રેલિયા ટી20 સીરીઝ શિડ્યૂલ
ભારત અને ઑસ્ટ્રેલિયાની વચ્ચે 5 ટી20 મેચોની સીરીઝની શરૂઆત 23 નવેમ્બરનાં વિશાખાપટ્ટનમમાં થશે. બીજી મેચ ત્રિવેન્દ્રમમાં 26 નવેમ્બરનાં થશે. ત્રીજી મેચ 28 નવેમ્બરનાં ગુવાહટીમાં થશે જ્યારે ચોછી મેચ 1 ડિસેમ્બરનાં રોજ નાગપુરમાં. સીરીઝની છેલ્લી મેચ 3 ડિસેમ્બરનાં હૈદ્રાબાદમાં રમવામાં આવશે.
યુવા ટીમ સાથે ઊતરશે ભારત
વર્લ્ડ કપ 2023માં રમતાં ખેલાડીઓને આ સીરીઝમાં રેસ્ટ આપવામાં આવી શકે છે. હાર્દિક પંડ્યાનાં સ્વાસ્થ્યમાં સુધાર થઈ ગયો હશે તો શક્ય છે કે તેઓ આ સીરીઝથી વાપસી કરે. નવા કેપ્ટન સાથે ટીમ ઈન્ડિયા મેદાનમાં ઊતરી શકે છે. એશિયન ગેમ્સ 2023માં જોડાયેલ ખેલાડીઓને આ સીરીઝમાં ચાન્સ આપવામાં આવી શકે છે. જો કે ઑસ્ટ્રેલિયાએ તો ટીમનાં ખેલાડીઓ અંગે પહેલાથી જ એલાન કરી દીધું છે.
ઑસ્ટ્રેલિયાની ટીમનાં ખેલાડીઓ (ટી20 સીરીઝ)
મેથ્યુ વેડ (કેપ્ટન), ડેવિડ વોર્નર, ટ્રેવિસ હેડ, સ્ટીવ સ્મિથ, ગ્લેન મેક્સવેલ, મેટ શોર્ટ, માર્કસ સ્ટોઈનિસ, ટિમ ડેવિડ, જોશ ઈંગ્લિસ, જેસન બેહરેનડોર્ફ, સીન એબોટ, નાથન એલિસ, સ્પેન્સર જોન્સન, એડમ ઝમ્પા, તનવીર સંઘા.
