ભાવવધારો / શું તમારી પાસે પણ જૂનું વાહન છે? તો પહેલાની સરખામણીએ 8 ગણો રિન્યૂઅલ ચાર્જ ભરવો પડશે, જાણો નવા ભાવનું લિસ્ટ

• જૂના વાહનોના રિન્યૂઅલ ચાર્જમાં થયો વધારો 
• પહેલાની સરખામણીએ 8 ગણો ચાર્જ લેવામાં આવશે 
• કેન્દ્રીય રોડ ટ્રાન્સપોર્ટ અને હાઈવે મંત્રાલયે નોટિફિકેશન જાહેર કર્યુ 

કેન્દ્રીય રોડ ટ્રાન્સપોર્ટ અને હાઈવે મંત્રાલય દ્વારા એક નોટિફિકેશન જાહેર કરવામાં આવ્યું છે. આ નોટિફિકેશન ખાસ કરીને જે લોકો પાસે જૂના વાહનો છે. તે લોકોને અસર થઈ શકે છે. કારણકે હવે જો તમારી પાસે 15 વર્ષ કરતા પણ જૂનુ વાહન હશે તો તેના રિન્યૂઅલ ચાર્જમાં વધારો કરવામાં આવ્યો છે. 

ટૂ વ્હીલરનો ચાર્જ 300ની જગ્યાએ 1 હજાર 

આપને જણાવી દઈએ કે પહેલાની સરખામણીએ જૂના વાહનના રિન્યૂઅલ ચાર્જમાં 8 ગણો વધારો કરવામાં આવ્યો છે. જેમા પહેલા ટૂં વ્હીલરનો રિન્યૂઅલ ચાર્જ 300 રૂપિયા જેટલો હતો. જેની સરખામણીએ હવે તેનો જૂના ટૂ વ્હીલરનો રિન્યૂઅલ ચાર્જ 1 હજાર કરવામાં આવ્યો છે.

જૂની કારનો ચાર્જ 600ના બદલે 5 હજાર 

સૌથી વદારે રિન્યૂઅલ ચાર્જ જૂની કારમાં કરવામાં આવ્યો છે. આપને જણાવી દઈએ કે કારનો રિન્યૂઅલ ચાર્જ પહેલા 600 રૂપિયા હતો જેની જગ્યાએ હવે તેનો રિન્યૂઅલ ચાર્જ 5 હજાર રૂપિયા રાખવામાં આવ્યો છે. જેથી જો આપની પાસે જૂની કાર હશે. તો હવે તમારે પહેલાની સરખામણીએ 8 ગણો વધારે રિન્યૂઅલ ચાર્જ ભરવો પડશે. 

બસ અને ટ્રકનો ચાર્જ 1500ના બદલે 12,500 

ઉલ્લેખનીય છે કે બસ અને ટ્રકના રિન્યૂઅલ ચાર્જની જો વાત કરવામાં આવે તો પહેલા તેનો રિન્યૂઅલ ચાર્જ 1500 રૂપિયા હતો. જે વધારીને હવે તેનો રિન્યૂઅલ ચાર્જ 12,500 કરી દેવામાં આવ્યો છે. સમગ્ર ચાર્જનું લીસ્ટ કેન્દ્રીય રોડ ટ્રાન્સપોર્ટ અને હાઈવે મંત્રાલય દ્વારા નોટિફિકેશન દ્વારા જાહેર કરવામાં આવ્યું છે.