કામની વાત / પત્નીને રેન્ટ આપીને પણ તમે ટેક્સમાં છૂટછાટ મેળવી શકશો, જાણો કઇ રીતે

• સરકાર ટેક્સ જોગવાઈમાં અનેક ફેરફાર કરે છે
• ટેક્સ છૂટછાટનો લાભ કઈ રીતે મળવી શકાય
• પત્નીને ભાડુ આપો છો, તો મળશે કરછૂટનો લાભ

ટેક્સ ભરનારા લોકોના મનમાં અનેક મૂંઝવણ ચાલતી હોય છે. સરકાર ટેક્સ જોગવાઈમાં અનેક ફેરફાર કરે છે. તમને ઘરના ભાડા (HRA) માટે જે પૈસા આપવામાં આવે છે, તેના પર પણ ટેક્સ છૂટનો લાભ મળે છે. આ મામલે કોર્ટે અનેક નિર્ણય આપ્યા છે. ટેક્સ છૂટછાટનો લાભ કઈ રીતે મળવી શકાય તે અંગે અહીંયા જણાવવામાં આવ્યું છે. 

અંતરિમ બજેટમાં ટેક્સ લિમિટ વધી શકે!
અંતરિમ બજેટ 2024માં નાણાં મંત્રાલય ઈન્કમ ટેક્સ લિમિટ વધારી શકે છે. ટેક્સ આપનારા લોકોમાં હાઉસ રેન્ટ એલાઉન્સ મુખ્ય બાબત છે. ઘર ભલે કોઈપણ વ્યક્તિના નામે હોય તમે HRA માટે ક્લેમ કરી શકો છો. તમારી પત્નીના નામે ઘર હોય તો પણ તમે HRA ક્લેમ કરીને ટેક્સ છૂટનો લાભ મેળવી શકો છો. 

નવા ટેક્સ રિજીમમાં આ લાભ નહીં મળે
નવા ટેક્સ રિજીમમાં HRA છૂટનો લાભ નહીં મળી શકે. તમે આ ટેક્સ છૂટનો લાભ મેળવવા માંગો છો, તો તમારે જૂના ટેક્સ રિજીમની પસંદગી કરવાની રહેશે. HRA હેઠળ જે છૂટનો લાભ આપવામાં આવે છે, તે લાભ કેવી રીતે મેળવી શકાય તે અંગે અહીંયા જણાવવામાં આવ્યું છે. 

HRA છૂટનો આ રીતે લાભ મેળવો

• પત્નીને ભાડુ આપો છો, તો HRA હેઠળ આ છૂટનો લાભ મેળવી શકો છો. 
• જે માટે પતિ અને પત્ની વચ્ચે ભાડા કરાર હોવો જોઈએ. પત્નીએ પતિને ઘરના ભાડાની રિસિપ્ટ આપવી પડશે. 
• પત્નીના ભાડામાંથી જે આવક મળે છે, તે આવક સરકારને દર્શાવવી પડેશે. ઈન્કમટેક્સ રિટર્ન પણ ભરવાનું રહેશે. 
• ઘરના માલિકનવો હક સંપૂર્ણપણે પત્ની પાસે હોવો જોઈએ. 
• ટેક્સ છૂટનો લાભ મેળવવા માટે કરદાતાએ ફોર્મ 12બીબી સાથે ભાડા કરારની રિસિપ્ટ દર્શાવવી પડશે. 
• આ રિસિપ્ટમાં મકાનમાલિકનું નામ, ભાડુઆતનું નામ, ભાડાની રકમ, મકાન માલિકના હસ્તાક્ષર અને PAN કાર્ડ હોવું જોઈએ. 

વધુ વાંચો: Elon Muskને પાછળ છોડી આ વ્યક્તિ બન્યો દુનિયાનો સૌથી ધનવાન બિઝનેસમેન, જાણો અંબાણી-અદાણી કયા ક્રમાંકે