આક્રોશ / જૂનાગઢની લીલી પરિક્રમામાં સાધુ-સંતોએ કાળા વાવટા ફરકાવવાની આપી ચીમકી, મહંત મહેશગિરિએ કહ્યું આ પોલિટિકલ મીટિંગ નથી, જો પ્રજાની સુવિધા નહીં થાય તો...

• જૂનાગઢમાં લીલી પરિક્રમાને લઈને મળી બેઠક 
• લીલી પરિક્રમાની બેઠકમાં મહંત મહેશગિરીએ ઉઠાવ્યા સવાલ 
• 'આ પોલિટિકલ મિટિંગ નથી' તેમ કહી મહેશગિરીએ ઉઠાવ્યા સવાલો 

જૂનાગઢમાં આવેલ ગરવા ગિરનારની ગોદમાં ભજન, ભોજન અને ભક્તિના ત્રિવેણી સંગમ સમાન લીલી પરિક્રમાનો પ્રારંભ થઈ રહ્યો છે. પ્રકૃતિના ખોળે આ પવિત્ર વાતાવરણમાં આનંદ ઉલ્લાસ સાથે ભક્તિની મોજ માણવા માટે ભક્તોમાં અનેરો થનગનાટ જોવા મળી રહ્યો છે. આગામી 23 નવેમ્બરથી લીલી પરિક્રમાના શ્રી ગણેશ થઈ રહ્યા છે. જોકે આ પહેલા જ સાધુ સમાજમક વિરોધનો સુર ઉઠ્યો છે. મહંત મહેશગિરીએ બેઠક મોડી બોલાવવાને લઈને સવાલો ઉઠાવતા હાલ આ મુદ્દો ચર્ચામાં આવ્યો છે.

પ્રજાની સુવિધા નહી સચવાય તો સાધુ-સંતો કાળા વાવટા ફરકાવશે: મહંત મહેશગિરી
જૂનાગઢમાં લીલી પરિક્રમાને લઈને બેઠક મળી હતી. આ લીલી પરિક્રમાની બેઠકમાં મહંત મહેશગિરીએ સવાલ ઉઠાવતા કહ્યું હતું કે'આ પોલિટિકલ મિટિંગ નથી'. જો સુવિધા નહીં ઝળવાઈ તો જોયા જોવી થશે. પ્રજાની સુવિધા નહી સચવાય તો સાધુ-સંતો કાળા વાવટા ફરકાવશે તેમ મહંત મહેશગિરીએ દાવો કર્યો હતો. મહંત મહેશગિરીએ કાળા વાવટા ફરકાવી અન્નક્ષેત્રમાં સેવા કરીશુ તેવી ચીમકી ઉચ્ચારી હતી. પરિક્રમાના 5 દિવસ અગાઉ જ બેઠક બોલાવાતા સાધુ-સંતોમાં રોષ જોવા મળી રહ્યો છે.