અપહરણ / ચાર શખ્સોએ બદલાની આગમાં માતાના જૂના પ્રેમી સાથે કર્યું અજુકતું, રંગીલા શહેર રાજકોટની કલંકીત ઘટના

• રાજકોટમાં પુત્રએ માતાને સાથે રાખી યુવાનનું અપહરણ કર્યું
• માતાની સાથે અનૈતિક સંબંધ રાખનારા યુવાનનું અપહરણ કર્યું
• પોલીસે માતા-પુત્ર સહિત ચાર આરીપીઓની કરી ધરપકડ

રાજકોટ શહેરમાં એક ચોંકાવનારો અજીબો ગરીબ કિસ્સો સામે આવ્યો છે. પુત્રએ પોતાની માતા સાથે મળીને માતાની સાથે અનૈતિક સંબંધ રાખનારા યુવાનનું અપહરણ કર્યાની ઘટના સામે આવી છે. જોકે સમગ્ર ઘટનાની જાણ પોલીસને થતા પોલીસે અપહરણ કરેલા યુવાનને છોડાવી પુત્ર અને તેની માતા સહિત ચાર આરોપીઓની ધરપકડ કરી છે. 

પુત્રએ માતાને સાથે રાખી યુવાનનું અપહરણ કર્યું
16મી ડિસેમ્બરના રોજ બિલેશ્વર રેલવે સ્ટેશનના ખુલ્લા પટમાં ઇકો કારમાં આવેલા શખ્સો દ્વારા પરપ્રાંતીય યુવકનું અપહરણ કરવામાં આવ્યું હતું. સમગ્ર મામલાની જાણ થતા રેલવે પોલીસ સ્થાનિક પોલીસ તેમજ રાજકોટ ક્રાઈમ બ્રાન્ચ સહિતનો કાફલો ઘટના સ્થળે દોડી આવ્યો હતો. ત્યારે રાજકોટ ક્રાઈમ બ્રાન્ચને માહિતી મળી હતી કે, ભોગ બનનારનું અપહરણ કરીને તેને મધ્ય પ્રદેશ લઈ જવામાં આવી રહ્યો છે. ત્યારે રાજકોટ ક્રાઈમ બ્રાન્ચની ટીમ મધ્યપ્રદેશ પહોંચી હતી અને ત્યાં સ્થાનિક પોલીસની મદદથી ભોગ બનનાર યુવાનને અપહરણકારોના ચંગુલમાંથી છોડાવ્યો હતો.  તેમજ અપહરણની ઘટનામાં સામેલ માતા પુત્ર સહિત ચાર આરોપીઓની ધરપકડ પણ કરી હતી 

માતાની સાથે અનૈતિક સંબંધ રાખનારા યુવાનનું અપહરણ કર્યું
પોલીસના જણાવ્યા પ્રમાણે દોઢ વર્ષ પૂર્વે આરોપી રાજેશના પિતા વરસિંગ ભાભોર બિલેશ્વર રેલ્વે સ્ટેશન કોન્ક્રીટના પ્લાન્ટમાં ટી એમ ગાડીનું ડ્રાઇવિંગનું કામ કરતા હતા. જે સમયે પ્લાન્ટ ઓપરેટર તરીકે કામ કરતા અબ્દુલ ઉર્ફે સકુર તફિયુજ્જ શેખ તથા આરોપી રાજેશની માતા રમીલાબેન વચ્ચે અને નૈતિક સંબંધો બંધાયા હતા. જે બાબતની જાણ રાજેશને થતા, રાજેશ ભાભોર દ્વારા અબ્દુસને સબક શીખવાડવાનું નક્કી કરવામાં આવ્યું હતું.

જે અંતર્ગત તેણે પોતાની માતા રમીલાબેન ભાભોર, ભલ્લુ બારીયા તેમજ તેરસિંગ બારીયાની સાથે મળી અપહરણનો પ્લાન બનાવ્યો હતો. જે અંતર્ગત 15મી ડિસેમ્બરના રોજ સાંજના સમયે રાજેશ ઇકો કાર ભાડે કરી હતી. ત્યારબાદ 16 મી ડિસેમ્બરના રોજ રાત્રિના સમયે અપહરણની ઘટનાને અંજામ આપ્યો હતો. અત્યારે પોલીસે ગુનાના કામે વપરાયેલી ઇકો કાર તેમજ સાત નંગ મોબાઈલ ફોન કબજે કર્યા છે.