નવસારી / સોશ્યલ મીડિયામાં ફ્રેન્ડ બનાવી પછી કરી લીધી કિડનેપ: ગુજરાત પોલીસે નવસારીની સગીરાને લખનૌ હાઇવેથી છોડાવી

• નવસારીમાં સગીરાનું અપહરણ મામલો
• અપહરણ કરનાર 4 આરોપી ઝડપાયા
• પોલીસે આગળની તપાસ હાથધરી

નવસારી જિલ્લાના ગણદેવી તાલુકામાં જ્યાં 14 વર્ષીય સગીરાને સ્નેપ ચેટ પર ફોસલાવીને અપહરણ કર્યા બાદ એક કરોડની ખંડણી માંગનાર ચાર આરોપીઓને સુરત રેન્જ અને નવસારી જિલ્લા પોલીસે ઉત્તરપ્રદેશથી ધરપકડ કરી છે. દસમી નવેમ્બરના રોજ ગણદેવીથી અપહરણ કરી દાહોદ રાજસ્થાન અને દિલ્હીથી યુપી લઈ જવામાં આવી હતી. જેમાં અપહરણકારોએ વોટ્સએપ કોલ કરી એક કરોડની ખંડણી માંગવામાં આવી હતી. 

સગીર બાળાનું અપહરણ કરી ખંડણી માંગનાર ખંડણીખોરોને દિલધડક ઓપરેશન કરી ચાર રાજ્યોમાં હોટ પરસ્યુટ કરી ૪૮ કલાકમાં દિલ્હી- લખનઉથી દબોચી લઇ ખંડણીખોરોના સકંજામાંથી અપહ્યુત બાળાને સલામત રીતે મુક્ત કરાવતી ગુજરાત પોલીસની નવસારી ટીમ.

સેવા ~ સુરક્ષા ~ શાંતિ #GujaratPolice pic.twitter.com/Y8zXk3EPUJ

— Gujarat Police (@GujaratPolice) November 14, 2023

ખંડણીનો ગંભીર ગુનો 
નવસારી જિલ્લા પોલીસે ખંડણીના ગુનામાં ગંભીરતાથી લઈને આરોપીઓને ઝડપી પાડવાની દિશામાં કામગીરી કરી હતી. ટેકનિકલ સર્વેલન્સ અને વિવિધ ટીમો બનાવી નવસારી પોલીસ અને રેન્જ આઈ.જીની ટીમો મળી સમગ્ર ઘટનાક્રમમાં કામે લાગી હતી. જેમાં યુવતીની હત્યા ન થઈ જાય એના માટે પોલીસે સાવધાનીથી કામગીરી કરી હતી અને અપહરણ કરો સાથે પરિવારને સતત વાતમાં રાખીને ટેકનિકલ સર્વેલન્સના આધારે લખનઉ હાઈવે પર આવેલા ટોલબુથ પરથી અપહરણકારોના સકંજામાંથી બાળાને છોડાવી પરિવાર સાથે ભેટો કરાવ્યો હતો.

આરોપીઓ ઝડપાયા 
અપહરણ બાદ આરોપીઓ દાહોદ, રાજસ્થાન, દિલ્હી અને ત્યાંથી લખનૌ લઈ જતા હતા. જે સમગ્ર મામલે નવસારી, રાજસ્થાન, દિલ્હી અને યુપી પોલીસની મદદથી સગીરાને મુક્ત કરાવાઈ છે. આરોપીઓની ચુંગાલમાંથી દિલ્હી લખનૌ હાઇવે પરથી ચાલતી બસમાંથી સગારીના છોડાવી હતી. પોલીસે પ્રોફેશનલ ગેંગના ચારેય આરોપીઓને પકડી આગળની તપાસ આરંભી છે