નીતા અંબાણી અને મુકેશ અંબાણીના નાના પુત્ર અનંત અંબાણી અને રાધિકા મર્ચન્ટની પ્રી-વેડિંગ સેરેમની પૂરી થઈ ગઈ છે. છેલ્લા થોડા દિવસોથી આ સેરેમની લોકો વચ્ચે સૌથી વધુ ચર્ચાનો વિષય બની છે, કારણ કે તેમાં રાષ્ટ્રીયથી લઈને આંતરરાષ્ટ્રીય સ્તરની પ્રખ્યાત હસ્તીઓએ ભાગ લીધો હતો.
મુકેશ અને નીતા અંબાણીના નાના પુત્ર અનંત અંબાણી અને રાધિકા મર્ચન્ટના પ્રી-વેડિંગ માટે ભારત અને વિદેશથી આમંત્રિત મહેમાનોને જામનગર લાવવા અને ફરી મોકલવા માટે અનેક વિમાનો તૈનાત કરવામાં આવ્યા હતા. જે સમારોહમાં હાજરી આપવા માટે દેશ-વિદેશના વિવિધ શહેરોમાંથી અહીં આવેલા વીઆઈપી મહેમાનોને જામનગર લઈ જવા માટે શટલ સેવા તરીકે તૈનાત કરવામાં આવી હતી. એક રિપોર્ટ અનુસાર મુકેશ અંબાણીએ તેમના નાના પુત્ર અનંત અંબાણી અને રાધિકા મર્ચન્ટના પ્રી-વેડિંગમાં આવનારા મહેમાનો માટે લગભગ 20 વિમાનોની વ્યવસ્થા કરી હતી.
સાથે જ અનંત અંબાણી અને રાધિકા મર્ચન્ટની પ્રી-વેડિંગ પાર્ટીના કારણે 26 ફેબ્રુઆરીથી જામનગર એરપોર્ટ પર ભારે હવાઈ ટ્રાફિક જોવા મળી રહ્યો છે. એક અહેવાલ અનુસાર 26 ફેબ્રુઆરીથી 3 માર્ચ સુધી એરપોર્ટ પર 4,500 યાત્રીઓ આગમન અને પ્રસ્થાન કરતા જોવા મળ્યા છે.
તેવી જ રીતે 26 ફેબ્રુઆરીથી આજ સુધીમાં 350 ડોમેસ્ટિક અને 86 ઈન્ટરનેશનલ ફ્લાઈટ્સની અવરજવર થઈ છે. 164 ઈન્ટરનેશનલ ફ્લાઈટ પેસેન્જર્સ આવ્યા છે,” જણાવી દઈએ કે એરપોર્ટ ઓથોરિટી ઓફ ઈન્ડિયા (AAI) એ એરપોર્ટને 26 ફેબ્રુઆરીથી 6 માર્ચ સુધી ઈન્ટરનેશનલ ફ્લાઈટ્સ ઓપરેટ કરવાની પરવાનગી આપી છે.
વધુ એક રિપોર્ટ અનુસાર સામાન્ય રીતે જામનગર એરપોર્ટ પર 3 શેડ્યૂલ ફ્લાઈટ્સ આવે છે અને 3 ફ્લાઇટ ઉપડે છે. જો કે, અનંત અંબાણી અને રાધિકાના પ્રી-વેડિંગ ફંક્શનને કારણે 1 માર્ચથી 3 માર્ચની વચ્ચે 160 ફ્લાઈટ્સ ટેક ઓફ અને લેન્ડ થઈ હતી, જેમાં 30 ઈન્ટરનેશનલ ફ્લાઈટ્સનો સમાવેશ થાય છે.
નોંધનીય છે કે અબજોપતિ મુકેશ અંબાણીના સૌથી નાના પુત્રના ખાસ સમારોહ માટે બિલ ગેટ્સ, માર્ક ઝકરબર્ગ, રિહાના, ઇવાંકા ટ્રમ્પ જેવા દિગ્ગજ અને ઘણા પૂર્વ વડાપ્રધાન આવ્યા હતા. બીજી તરફ, ભારતીય સેલિબ્રિટીઓમાં દીપિકા પાદુકોણ, રણવીર સિંહ, શાહરૂખ ખાન, એમએસ ધોની અને સાનિયા નેહવાલ અને અન્ય સ્ટાર્સ સામેલ છે.
