દશા / આવી તો કેવી પઠાણી ઉઘરાણી: અમદાવાદમાં વ્યાજખોરોએ મહિલાને ફિનાઇલ પીવડાવી દીધું, હાલત ગંભીર

• અમદાવાદમાં વ્યાજખોરોનો ત્રાસ સામે આવ્યો
• વ્યાજખોરે મહિલાને પીવાડવ્યું ફિનાઈલ
• મહિલાને સારવાર અર્થે ખસેડાઈ

અમદાવાદમાં વ્યાજખોરોએ મહિલાને ફિનાઈલ પીવડાવી મારી નાખવાનો પ્રયાસ કર્યો હોવાની ઘટના સામે આવી છે. પીડિત મહિલાના પૂત્રના આરોપ મુજબ સરદારનગરમાં વ્યાજખોરની દાદાગીરી કરી પઠાણી ઉઘરાણી કરતાં હતા. ઘરની સ્થિતિ સાવ ખરાબ હોવાથી રૂપિયા સમયસર પરત ન કરી શકતા મહિલાને ધાક ધમકી આપી હતી. જે બાદ આજે મહિલાને ફિનાઈલ પીવડાવ્યું હોવાનો આક્ષેપ થઈ રહ્યો છે. વ્યાજખોરે પૈસાની ઉઘરાણી કરવાની અદાવતમાં ફિનાઈલ પીવડાવી દીધું હતું.

ફિનાઇલની અસર થતાં મહિલા બે ભાન થઈ ગઈ હતી. મોઢા પરથી ફીણ નીકળી જતા મૂર્ચ્છિત હાલતમાં સિવિલ હોસ્પિટલમાં દાખલ કરવામાં આવી છે. જ્યાં ટ્રોમા સેન્ટર ખાતે મહિલાની સારવાર ચાલી રહી છે. પીડિત પુત્ર લગાવેલા આરોપની પોલીસ હાલ તપાસ કરી રહી છે.

પીડિત મહિલાના પુત્રએ શું કહ્યું?
ગુજરાત સરકારે જે વ્યાજ ખોરીનો કાયદો બનાવ્યો છે. એ કાયદો હોવા છતાં અમુક વ્યાજખોરોએ આજે મારી મમ્મીને એવી હાલતમાં કરી દીધી છે. અમારે સિવિલમાં દાખલ થવાનો વારો આવ્યો છે. આ મારી માં છે તેની હાલત તો જુઓ વ્યાજખોરીના લીધે ઈ લોકોએ ફિનાઈલ પીવડાવી દીધી છે મારી માતાને અમારી હાલત હવે ખરાબ થઈ ગઈ છે.

કાયદા માત્ર કાગળ પૂરતા વ્યાજખોરો પર કાર્યવાહી ક્યારે?

• વ્યાજખોરોના ત્રાસ પર પોલીસ કેમ ચુપ ?
• શહેરમાં ક્યારે બંધ થશે વ્યાજખોરોનો ત્રાસ ?
• વ્યાજખોરોની દાદાગીરી ક્યારે બંધ કરવાશે પોલીસ ?
• શું પોલીસ અને વ્યાજખોરોની સાંઠગાંઠ છે?
• શહેરવાસીઓને વ્યાજખોરોના ત્રાસથી ક્યારે મળશે રાહત?