ધર્મ / નવરાત્રી પર આ 5 વસ્તુ અચૂક કરી લેજો.! માં દુર્ગાના આશીર્વાદ જીવનભર રહેશે, દરેક મુશ્કેલીથી મળશે મુક્તિ

• નવરાત્રી દરમિયાન આ 6 ઉપાય કરવાં જોઈએ
• માં દુર્ગાને પ્રસન્ન કરવાથી ભક્તોને મળે છે સુખાકારી
• મુશ્કેલીઓને દૂર કરવામાં માં દુર્ગાનાં આશીર્વાદ મળે છે

નવરાત્રી હિન્દુઓનાં મુખ્ય તહેવારોમાંનો એક છે. આજે નવરાત્રીનું ચોથું નોરતું છે. આ દિવસ માં દુર્ગાનું ચોથું સ્વરૂપ માં કૂષ્માંડાને સમર્પિત છે. આજનાં દિવસે વિધિ વિધાનની સાથે માં કૂષ્માંડાની પૂજા કરવાથી દરેક પ્રકારનાં કષ્ટ દૂર થાય છે અને જીવનમાં સુખાકારી આવે છે. કહેવામાં આવે છે કે બ્રહ્માંડની ઉત્પત્તી માં દુર્ગાનાં ચોથા સ્વરૂપનાં મંદ સ્મિતને લીધે થઈ છે. આ જ કારણે તેમને માં કૂષ્માંડાનાં નામથી ઓળખવામાં આવે છે. 

નવરાત્રી દરમિયાન કરો આ 5 સરળ ઉપાયો
1. નવરાત્રી દરમિયાન એક લાલ રંગનું કપડું લેવું અને તેમાં 5 ઈલાયચી, 5 સોપારી અને એક લવિંગ રાખવું. કપડાંની પોટલીને માં દુર્દાનાં ચરણોમાં મૂકવું. આ બાદ પોટલીને પોતાની તિજોરી અથવા તો કોઈ એવી જગ્યાએ રાખવું જ્યાં તમે તમારું ધન રાખો છો. તેનાથી આર્થિક સ્થિતિમાં સુધાર આવશે.

2. કુંડળીમાં રાહુ કેતુનાં અશુભ પ્રભાવને દૂર કરવા માટે દરરોજ 2 લવિંગ શિવલિંગ પર અર્પિત કરવું શુભ માનવામાં આવે છે.

3. ઘરમાં કપૂર પ્રગટાવવું શુભ હોય છે. નવરાત્રી દરમિયાન કપૂર પર લવિંગ રાખવાથી અને તેનો ધૂમાડો ઘરમાં ફેરવવાથી સકારાત્મક ઊર્જા આવે છે.

4. બાળકોને જો વારંવાર નજર લાગી જતી હોય તો નવરાત્રી દરમિયાન 11 લવિંગ લઈ અને બાળકોની ઉપરથી ઊતારી લેવી. એ બાદ આ લવિંગને અગ્નિમાં મૂકવું. જેથી બાળકને નજર નહીં લાગે.

5. નોકરીમાં પ્રમોશન મેળવવા માટે માન્યતા અનુસાર નવરાત્રી દરમિયાન 2 લવિંગ લઈને માથા પરથી 7 વખત ઊતારીને માં દુર્ગાનાં ચરણોમાં રાખવું જોઈએ.