VTV EXCLUSIVE / રણને બચાવો સરકાર! આરક્ષિત વિસ્તાર હોવા છતાં ભૂમાફિયાઓનો અડિંગો, બેફામ ટ્રકોની અવરજવર

• ઘુડખર અભયારણ્યમાં ગેરકાયદેસર ખનન, મીઠા ઉત્પાદનનો ધમધમાટ
• ગેરકાયદેસર પ્રવૃત્તિઓને કારણે નાના રણમાં વાહનોનો ધસારો વધ્યો
• સુરેન્દ્રનગર નજીક નાનું રણ આરક્ષિત છતાં વાહનોનો ધસારો વધ્યો

ઘુડખર અભયારણ્યમાં ગેરકાયદેસર ખનન અને મીઠા ઉત્પાદનનો ધમધમાટ ચાલી રહ્યો છે. ગેરકાયદેસર પ્રવૃત્તિઓને કારણે નાના રણમાં વાહનોનો ધસારો વધ્યો છે તેમજ સુરેન્દ્રનગર નજીક નાનું રણ આરક્ષિત છતાં વાહનોનો ધસારો વધતા ઘુડખરો માટે મુશ્કેલી સર્જાઈ છે

રાત-દિવસ વાહનોની અવરજવર ચાલું રહે છે
સુરેન્દ્રનગર નજીક નાનું રણ આરક્ષિત છતાં વાહનોનો ધસારો વધ્યો છે. નાના રણમાં રાત-દિવસ વાહનોની અવરજવર ચાલું રહે છે અને નાના રણમાં ભારે વાહનો ગેર કાયદેસર રીતે પ્રવેશ મેળવે છે. પ્રતિબંધિત વિસ્તારમાં પણ ભૂ-માફિયાઓ રણ પર દાવો કરી રહ્યા છે. ભૂ-માફિયાઓ રણની જમીન ઉપર કબજો જમાવી બેઠા હોય તેવુ સ્થાનિકો જણાવી રહ્યાં છે. પ્રતિબંધિત રણમાં મીઠાં ઉત્પાદન માટે કેમિકલના પાટાઓ કરીને ખાનગી કંપનીઓએ અડ્ડો જમાવ્યો હોય તેવો પ્રકાશમાં આવ્યું છે.

NGTએ વિભાગો પાસેથી જવાબો માંગતા તંત્રમાં દોડધામ 
બેરોકટોક ગેરકાયદેસર પ્રવૃતિઓ કરી રહી છે, જે સમગ્ર બાબતનો વીટીવી ન્યૂઝ પાસે ગેર કાયદેસર ચાલતી પ્રવૃતિઓનો વીડિયો આવ્યો છે.  આપને જણાવી દઈએ કે, દુનિયાભરમાં એક માત્ર ઘુડખર પ્રજાતિનું આ અભયારણ છે. કચ્છનું નાનું રણ 3 જિલ્લાની સરહદે વિસ્તારેલું છે અને આરક્ષિત અભ્યારણમાં ઇકોલોજીને નુકસાન પહોંચે તેવી રીતે અતિકમણ થઈ રહ્યું છે. નેશનલ ગ્રીન ટ્રિબ્યુનલમાં પણ સમગ્ર મામલે PIL થઈ છે. નેશનલ ગ્રીન ટ્રિબ્યુનલમાં 24 માર્ચે વધુ સુનાવણી હાથ ધરાવાની છે. ફરિયાદના આધારે જવાબદાર વિભાગો પાસે ખુલાસા માંગવામાં આવ્યા છે. NGTએ વિભાગો પાસેથી જવાબો માંગતા તંત્રમાં દોડધામ મચી છે.