વિરોધ / VIDEO: વિકાસના કામ બતાવો તો તમે કહો એ ખેસ પહેરીશ: કોંગ્રેસ ધારાસભ્યને સ્થાનિકે આપી ચેલેન્જ

• રાપરમાં સ્થાનિક લોકોએ કોંગ્રેસના ધારાસભ્યને ઘેર્યા
• ધારાસભ્ય સંતોકબેન અરેઠિયાને લોકોએ ઘેર્યા 
• ચાલુ પ્રચાર દરમિયાન સ્થાનિકોએ કર્યા આક્ષેપ
• 5 વર્ષ દરમિયાન એક પણ કામ ન કર્યું હોવાના કર્યા આક્ષેપ

ગુજરાતમાં વિધાનસભાની ચૂંટણી જાહેર થયા બાદ હવે રાજકીય પક્ષો ચૂંટણી પ્રચારમાં લાગ્યા બાદ અનેક ઉમેદવારોને કડવા અનુભવ થઈ રહ્યા છે. જેમાં વાવના કોંગ્રેસના ઉમેદવાર ગેનીબેન ઠાકોર અને હવે કચ્છના રાપરમાં પણ કોંગ્રેસના ઉમેદવારને આ કડવો અનુભવ થયો છે. વાત જાણે એમ છે કે, રાપર કોંગ્રેસના ઉમેદવાર પ્રચાર અર્થે ગયા બાદ સ્થાનિકોએ તેમનો રીતસરનો ઉઘડો લઈ લીધો હતો. જેમાં પાંચ વર્ષ સુધી એક પણ કામ ન કર્યા હોવાના આક્ષેપ કરી આક્રોશ વ્યક્ત કર્યો હતો. 

કચ્છ જિલ્લાની રાપર બેઠક ઉપર કોંગ્રેસે બચુભાઈ અરેઠીયાને ટિકિટ આપી છે. જોકે ચૂંટણી પ્રચારમાં રાપર ધારાસભ્ય સંતોકબેન અરેઠીયા અને તેમના પતિ એટલે કે હાલમાં રાપર સીટ પરથી કોંગ્રસના ઉમેદવાર બંનેનો વિરોધ થયાનું સામે આવ્યું છે. વાત જાણે એમ છે કે, ચૂંટણી પ્રચારમાં પહોંચેલા સંતોકબેન અરેઠીયા અને બચુભાઈ અરેઠીયાને સ્થાનિકોએ અનેક આક્ષેપો સાથે સવાલો કરી પોતાનો રોષ ઠાલવ્યો હતો. 

ધારાસભ્ય સંતોકબહેન અરેઠીયાનો લોકોએ લીધો ઉધડો 

રાપર સીટ ઉપર કોંગ્રેસના વર્તમાન ધારાસભ્ય સંતોકબહેન અરેઠીયાનો લોકોએ રીતસરની ઉઘડો લીધો હતો. જેમાં સ્થાનિકોએ પાંચ વર્ષ સુધી એક પણ કામ ન કર્યા હોવાનો ગંભીર આક્ષેપ કર્યો હતો. આ સાથે સ્થાનિકે ધારાસભ્યને ચેલેન્જ આપી હતી કે, વિકાસના કામ બતાવો તો તમે કહોએ ખેસ પહેરીશ. કોંગ્રેસના ઉમેદવાર બાદ તેમના પત્ની ધારાસભ્ય સંતોકબેન પર પ્રજાના આક્રોશનો આ વિડીયો હાલમાં સોશિયલ મીડિયામાં વાયરલ થઈ રહ્યો છે. 

બનાસકાંઠામાં ગેનીબેન ઠાકોરનો પણ થયો છે વિરોધ

વાવના ધોભા ગામે કોંગ્રેસના ઉમેદવાર ગેનીબેન ઠાકોર પ્રચાર અર્થે પહોંચ્યા હતા. જ્યાં અચાનક ગામના કેટલાક વ્યક્તિઓએ તેમનો વિરોધ કર્યો હતો. આ સાથે સ્થાનિકોએ ગેનીબેનને ગામમાં પ્રચાર કરતા પણ અટકાવ્યાં હોવાનું સામે આવ્યું છે. આ સાથે ધોભા ગામમા પ્રચાર દરમ્યાન ગેનીબેનનો સ્થાનીકોએ ઘેરાવો પણ કર્યો હતો.

વિડીયોમાં સંભળાઇ રહ્યું છે કે, લોકો ગેનીબેનને કહી રહ્યા છે કે, કોઈના હાથા ના બનો રાજકારણને રાજકારણની જગ્યાએ રાખો, તમારી પાસે સત્તા નથી તો પણ આટલો વિરોધ કરો છો, તમે સત્તામાં આવ્યા પછી...... આવા અનેક આક્ષેપ સ્થાનિકોએ લગાવ્યા હતા.