સ્વાસ્થ્ય / શિયાળામાં વારંવાર તરસ લાગે તો થઈ જાવ સાવધાન, હોઇ શકે છે આ એક ગંભીર સમસ્યા

• ચક્કર આવવાની સમસ્યા ઘણા કારણોસર થઈ શકે 
• તમારા શરીરમાં કેલ્શિયમનું પ્રમાણ વધી જવું
• જ્યારે દર્દીને ડાયાબિટીસ હોય તો ત્યારે તેને વારંવાર તરસ લાગે છે

પાણી એ જીવન છે. કોઈપણ વ્યક્તિ પાણી વગર માત્ર થોડા દિવસો જીવી શકે છે. પરંતુ જો તમે પૂરતું પાણી પિતા હોય અને છતાં પણ તમને વારંવાર તરસ લાગે તો આ એક ગંભીર રોગનો સંકેત હોઈ શકે છે. ખાસ કરીને જો તમને શિયાળાની ઋતુમાં વારંવાર તરસ લાગતી હોય તો સાવધાન થઈ જવું જોઈએ. જો કે, જ્યારે તમે સખત મહેનત કરો છો, ત્યારે તમને વારંવાર તરસ લાગી શકે છે. આ એક સામાન્ય બાબત છે. પરંતુ કોઈપણ કારણ વગર વારંવાર તરસ લાગવાનો અર્થ એ છે કે તમારા શરીરમાં કેટલીક આંતરિક સમસ્યાઓ છે. ઘણી બીમારીઓને કારણે તમને વારંવાર તરસ લાગી શકે  છે. તેને નજરઅંદાજ ન કરો. તમારે તાત્કાલિક ડોક્ટરની સલાહ લેવી જોઈએ.

એનિમિયા
જ્યારે તમારા શરીરમાં એનિમિયા હોય એટલે કે લોહીમાં આરબીસી અને હિમોગ્લોબિનની ઉણપ હોય, તો તમને વારંવાર તરસ લાગી શકે છે. લોહીની ઉણપના ઘણા કારણો હોઈ શકે છે. આ માટે વિટામિન B12 અને આયર્નની ઉણપ હોઈ શકે છે. જેના કારણે એનિમિયા થાય છે. જ્યારે આવું થાય છે, ત્યારે શરીર ખૂબ જ થાક અને નબળાઇ અનુભવવા લાગે છે. તમને કોઈ ગંભીર સમસ્યા થઈ શકે છે. એટલા માટે તેને નજરઅંદાજ કરશો નહીં. 

મોંમાં લાળની રચના ન થવી 
મોંમાં હંમેશા લાળ અથવા થૂંક હોવી જોઈએ. લાળ ઘણા પ્રકારના સુક્ષ્મજીવોને મારી નાખે છે. જેના કારણે ઈન્ફેક્શન સંબંધિત ઘણી બીમારીઓ થતી નથી. પરંતુ જો મોંમાં લાળનું ઉત્પાદન ઓછું હોય તો તે વારંવાર તરસનું કારણ બની શકે છે. જો કે આના ઘણા કારણો હોઈ શકે છે. ઉદાહરણ તરીકે, કેટલીક દવાઓ લીધા પછી, મોંમાં ઓછી લાળ ઉત્પન્ન થાય છે. તે જ સમયે, કેન્સર જેવા ગંભીર રોગને કારણે, મોંમાં ઓછી લાળ ઉત્પન્ન થાય છે. પરંતુ જો કોઈ કારણ વગર મોંમાં લાળનું ઉત્પાદન ઓછું થતું હોય તો તે ચિંતાનો વિષય છે.

વાંચવા જેવું: આ 5 બીમારીવાળાએ ભૂલથી પણ ન કરવું હળદરનું સેવન, નહીંતર..., જાણો ગેરફાયદા

ચક્કર
ક્યારેક ચક્કર આવવાની સમસ્યા ઘણા કારણોસર થઈ શકે છે. જો વારંવાર ચક્કર આવવાની સમસ્યા હોય અને તે ગંભીર બની જાય તો તેના કારણે વારંવાર તરસ પણ લાગે છે. જો તમને ચક્કરની સાથે વારંવાર તરસ લાગે તો તેને નજરઅંદાજ ન કરશો. ડોક્ટરની મુલાકાત લો. 

વધુ પડતું કેલ્શિયમ
જો તમારા શરીરમાં હાઈપરક્લેસીમિયા હોય તો તમને વારંવાર તરસ લાગી શકે છે. હાયપરક્લેસીમિયા એટલે કે તમારા શરીરમાં કેલ્શિયમનું પ્રમાણ વધી જવું. હાઈપરક્લેસીમિયાને કારણે શરીરની પાણી જાળવી રાખવાની ક્ષમતા ઘટી જાય છે. તેથી જ તમને વારંવાર તરસ લાગે છે. તેની સારવાર જરૂરી છે.

ડાયાબિટીસ
ડાયાબિટીસનાં દર્દીને વારંવાર તરસ લાગે છે. જ્યારે ગ્લુકોઝ પેશાબ દ્વારા બહાર આવવા લાગે છે, ત્યારે શરીરની પાણી જાળવી રાખવાની ક્ષમતા ઘટી જાય છે અને વ્યક્તિને  વારંવાર પેશાબ લાગે છે. જેના કારણે શરીરમાં પાણીની ઉણપ આવી જાય છે અને તેને કારણે વારંવાર તરસ લાગે છે.