રાજકોટ / બની શકે તો ઘરમાં જ રહો, ટોપી-ચશ્મા પહેરો...: ગરમીને લઈને તંત્રએ જાહેર કરી એડવાઇઝરી, જાણૉ વિગતવાર

• મનપાના આરોગ્ય વિભાગની એડવાઇઝરી
• બિનજરૂરી ઘરની બહાર ન નીકળવું
• મેડિકલ ઓફિસરને સ્ટેન્ડ બાય રહેવા સૂચન
• ટોપી, ચશ્મા, કપડું અને પાણી સાથે રાખવું

 રાજકોટમાં કાળઝાળ ગરમીને લઈને એલર્ટ આપવામાં આવ્યું છે. મનપાના આરોગ્ય વિભાગે નાગરિકો માટે એડવાઈઝરી જાહેર કરી છે. બપોરે 11 થી 2 વાગ્યા સુધી ભીષણ તાપ અને સૂર્યનાં સીધા કિરણોથી ખતરો ઉભો થાય છે.  બપોરે 2 થી 5 વાગ્યા સુધી લુ લાગી શકવાની સંભાવના વધુ છે. કામ વગર બિનજરૂરી ઘરની બહાર ન નીકળવું. બહાર નીકળો તો માથે ટોપી, ચશ્મા પહેરવા મોઢે કપડું બાંધવું. પાણી સાથે રાખવું. હિટ સ્ટ્રોક અથવા ગરમી લાગવાનાં કિસ્સામાં નજીકનાં આરોગ્ય કેન્દ્રનો તુરંત સંપર્ક કરવો. મેડિકલ ઓફિસરને આરોગ્ય કેન્દ્રોમાં સ્ટેન્ડ બાય રાખવામાં આવ્યા છે. આગામી પાંચ દિવસ સુધી તાપમાનનો પારો 40 થી 43 ડિગ્રી રહેવાની શક્યતા છે.

અંબાલાલ પટેલની આગાહી
હવામાન નિષ્ણાંત અંબાલાલ પટેલની વધુ એક મોટી આગાહી સામે આવી છે. વાત જાણે એમ છે કે, અંબાલાલ પટેલે કહ્યું છે કે, રાજ્યમાં હજુ પણ ગરમીનો પ્રકોપ વધશે. અંબાલાલ પટેલની આગાહી મુજબ 12મેથી રાજ્યમાં 44 ડિગ્રી સુધી તાપમાન પહોચશે. આ સાથે તેમણે કહ્યું કે, આજથી આંધી અને વંટોળનુ પ્રમાણ વધશે. મહત્વનું છે કે, હવામાન વિભાગે પણ રાજ્યમાં ગરમીની સાથે હીટવેવની આગાહી કરી છે. 

અમદાવાદમાં પણ 3 દિવસ ઓરેન્જ એલર્ટની આગાહી
ગુજરાતમાં અનેક શહેરમાં ગરમીનો પારો વધી રહ્યો છે. અમદાવાદમાં પણ 3 દિવસ ઓરેન્જ એલર્ટની આગાહી હવામાન વિભાગ દ્વારા કરવામાં આવી છે. વર્તમાન ઉનાળાની સિઝનમાં પહેલી વખત અમદાવાદીઓને ઓરેન્જ એલર્ટનો સામનો કરવો પડી રહ્યો છે.  આ દરમિયાન હવે આરોગ્ય વિભાગે આગમચેતી રૂપે જિલ્લાઓને પત્રો દ્વારા જાણ કરી છે. જેમાં જિલ્લા કક્ષાએ આરોગ્ય અધિકારીઓને હીટવેવની તૈયારી કરવા સૂચના અપાઈ છે. 
જિલ્લા કક્ષાએ આરોગ્ય અધિકારીઓને હીટવેવની તૈયારી કરવા સૂચના 
રાજ્યમાં હવામાન વિભાગ દ્વારા હિટવેવની આગાહી કરવામાં આવી છે. હાલ ગુજરાતમાં સતત વધતી જતી ગરમી અને હીટવેવની આગાહીને લઈ આરોગ્ય વિભાગે આગમચેતી રૂપે જિલ્લાઓને પત્રો દ્વારા જાણ કરી છે. જેમાં ખાસ કરીને જિલ્લા કક્ષાએ આરોગ્ય અધિકારીઓને હીટવેવની તૈયારી કરવા સૂચના આપી છે. જે અંતર્ગત સફેદ અને સુતરાઉ કપડા પહેરવા, પાણી પીવા બાબતે સૂચના અપાઈ તો હેલ્થ એન્ડ વેલનેસ સેંટર, CHC-PHC પર માર્ગદર્શન અપાશે. 
અત્યાર સુધી 249 હીટ સ્ટ્રોકનાં કેસ દેખાયા જેમાંથી કોઈ ગંભીર કેસ નથીઃ એપેડેમિક ડિસિઝ ડેપ્યુટી ડાયરેક્ટર 
એપેડેમિક ડિસિઝ ડેપ્યુટી ડાયરેક્ટર જયેશ કતીરાએ જણાવ્યું હતું કે, અમદાવાદ, વડોદરા અને ગાંધીનગરમાં વધુ ગરમી છે. આ સાથે તેમણે ઉમેર્યું કે, જિલ્લા વાર ગરમીની સ્થિતિ અલગ અલગ છે. તેમણે કહ્યું કે, અત્યા રસુધી 249 હીટ સ્ટ્રોક દેખાયા છે જેમાંથી કોઈ ગંભીર કેસ નથી.