ક્રિકેટ / 'જો હું રિએન્ટ્રી કરીશ તો આ બે ભારતીય....', સાઉથ આફ્રિકાના દિગ્ગજ ખેલાડીનો ચોંકાવનારો દાવો

• એબી ડી વિલિયર્સે મહત્ત્વપૂર્ણ નિવેદન આપ્યું
• વર્ષ 2021માં ક્રિકેટમાંથી સંન્યાસ લીધો હતો
• હવે કમબેકના સંકેત આપ્યા

દક્ષિણ આફ્રિકાના પૂર્વ કેપ્ટન અને શાનદાર બેટ્સમેન એબી ડી વિલિયર્સે મહત્ત્વપૂર્ણ નિવેદન આપ્યું છે. વર્ષ 2021માં ક્રિકેટમાંથી સંન્યાસ લીધો હતો અને હવે કમબેકના સંકેત આપ્યા છે. ડી વિલિયર્સે એક ઈન્ટરવ્યૂ દરમિયાન જણાવ્યું હતું કે, તેઓ વાપસી કરી શકે છે અને વાપસી કર્યા પછી વિરાટ કોહલી અને સૂર્યકુમાર યાદવને પડકાર આપવા માંગે છે. 

વિરાટ અને સૂર્યાને પડકાર આપવા માંગે છે ડી વિલિયર્સ
સાઉથ આફ્રિકન બેટ્સમેન જમાવે છે કે, ‘હું હજુ પણ રમી શકતો હતો, પરંતુ હવે મને રમવાની ઈચ્છા નથી. ખુદને હંમેશા બેસ્ટ રહેવું જ યોગ્ય લાગે છે. હું વાપસી કરું તો સર્વશ્રેષ્ઠ રહેવાનું જ વિચારીશ. ભારતીય ટીમના દિગ્ગજ બેટ્સમેન વિરાટ કોહલી અને સૂર્યાકુમર યાદવે પડકાર આપવા માંગીશ.’

એબીએ સૂર્યકુમાર યાદવના કર્યા વખાણ
એબી ડી વિલિયર્સે સૂર્યકુમાર યાદવના ભરપૂર વખાણ કર્યા છે અને સલાહ આપી છે. એબીએ જણાવ્યું છે કે, ‘ક્રિકેટના તમામ ફોર્મેટમાં નિરંતરતા જાળવી રાખવી તે સૂર્યકુમાર યાદવ માટે મોટો પડકાર હોઈ શકે છે. સૂર્યકુમાર યાદવ એવા શોટ્સ રમી રહ્યા છે, જે હું ક્યારેય રમ્યો નથી. સૂર્યકુમાર યાદવ જ્યારે રમે છે, ત્યારે તેમને જોવા ખૂબ જ ગમે છે. સૂર્યાકુમાર યાદવે હજુ ઘણુ આગળ વધવાનું છે અને ભવિષ્યના સારા ખેલાડી હશે.’

ભારતના સ્ટાર બેટ્સમેન સૂર્યકુમાર યાદવ હાલમાં ICC T20 રેન્કિંગમાં પહેલા નંબરે છે અને અત્યાર સુધીમાં 48 T20 ઈન્ટરનેશનલ મેચ રમી છે. જેમાં 3 સદી અને 13 અડધી સદી ફટકારીને 1675 રન કર્યા છે.