- ભારતીય ઘરોમાં તેલ વગર ભોજન અધૂરું
- સૌથી વધુ તેલનું નુકસાન
- જાણો તેલનો ફરી ઉપયોગ કરવાની રીત
ભારતીય ઘરોમાં તેલ વગર ભોજન અધૂરું ગણવામાં આવે છે. તહેવાર હોય કે કોઈ ખાસ પ્રસંગ, તળેલી વાનગી જરૂરથી બને છે. જેમાં સૌથી વધુ નુકસાન તેલનું થાય છે. હાઈ સ્મોકિંગ પોઈન્ટ પર જે તેલનો ઉપયોગ કરવામાં આવે તે તેલનો ફરીથી ઉપયોગ કરવામાં આવે તો આરોગ્યને અનેક પ્રકારના નુકસાન થાય છે. ખૂબ જ ઓછા ઘરોમાં આ તેલ ફેંકવામાં આવે છે. મોટાભાગના ઘરોમાં આ તેલનો ફરીથી ઉપયોગ કરવામાં આવે છે. તેલનો બગાડ કેવી રીતે રોકવામાં આવે, તે અંગે FSSAIએ સોશિયલ મીડિયા પર વિડીયો શેર કરીને જાણકારી આપી છે.
ફ્રાય કરેલ તેલનો ફરીથી ઉપયોગ
- FSSAIએ વિડીયોમાં જણાવ્યું છે કે, કોઈપણ કૂકિંગ ઓઈલનો એક જ વાર તળવા માટે ઉપયોગ કરવો જોઈએ.
- આ તેલનો ફરીથી ઉપયોગ કરવા માટે તે તેલ ફિલ્ટર કરેલ હોવું જોઈએ, જેથી તમામ બળી ગઈલ ફૂડ પાર્ટિકલ ફિલ્ટરમાં નીકળી ગયા હશે.
- જે તેલનો ફરીથી ઉપયોગ કરવામાં આવે તે તેલ માત્ર શાક બનાવવા માટે જ વાપરવું જોઈએ.
- ફરીથી હાઈ હીટ પર તેલનો ઉપયોગ ના કરવો જોઈએ.
- આ તેલ ફરીથી માત્ર બે દિવસમાં જ વાપરી લેવું જોઈએ.
- તેલ ફરીથી વાપરવું હોય તો ધીમા તાપમાને જ વાપરવું જોઈએ, જેથી તેલમાંથી ધુમાડો ના નીકળે.
- હંમેશા તળવા માટે સ્ટીલના વાસણનો ઉપયોગ કરો.
- લોખંડના વાસણમાં ના તળવું. આ પ્રકારે કરવાથી તેલમાંથી અલગ ગંધ આવે છે, જેથી તેલનો ફરીથી ઉપયોગ કરી શકાતો નથી.
Disclaimer: અહીં આપેલી માહિતી માત્ર જાણકારી પર આધારિત છે. આથી અત્રે અહીં ઉલ્લેખ કરવો જરૂરી છે કે VTV ગુજરાતી આવી કોઈ પણ પ્રકારની માહિતીની પુષ્ટિ કરતું નથી. કોઈપણ માહિતી ને અમલમાં મૂકતા પહેલા તેના વિશે વધુમાં માહિતી મેળવવી તેમજ સંબંધિત નિષ્ણાંતની સલાહ લેવી જરૂરી છે.
