રાજનીતિ / VIDEO: વંદે ભારત ટ્રેનના ઉદ્ઘાટનમાં હાઈવૉલ્ટેજ ડ્રામા, જય શ્રીરામના નારા બાદ મમતા દીદીએ જુઓ શું કર્યું

• પશ્ચિમ બંગાળના મુખ્યમંત્રી મમતા બેનર્જી નારાજ દેખાયા
• નારાજ મમતા બેનર્જીએ કાર્યક્રમના સ્ટેજ પર બેસવાની ના પાડી
• ભીડમાં કેટલાક લોકોએ જય શ્રી રામના નારા લગાવવાનું શરૂ કરતાં નારાજ 

પશ્ચિમ બંગાળના મુખ્યમંત્રી મમતા બેનર્જી શુક્રવારે નારાજ દેખાયા. તેણે હાવડા સ્ટેશન પર પ્લેટફોર્મ પર બેસવાની ના પાડી. વંદે ભારત એક્સપ્રેસને ન્યૂ જલપાઈગુડી અહીંથી ફ્લેગ ઓફ કરવાની હતી. જણાવવામાં આવી રહ્યું છે કે, રેલવે સ્ટેશન પર આવેલી ભીડમાંથી કેટલાક લોકોએ સૂત્રોચ્ચાર કર્યા હતા. આ પછી મમતા બેનર્જીએ સ્ટેજ પર બેસવાની ના પાડી દીધી.

હકીકતમાં, મમતાના આગમન પર ભીડમાં કેટલાક લોકોએ જય શ્રીરામ ના નારા લગાવવાનું શરૂ કર્યું. આનાથી નારાજ મમતાએ 4 કેન્દ્રીય મંત્રીઓ સાથે સ્ટેજ શેર ન કરવાનો નિર્ણય લીધો. રેલવે પ્રધાન અશ્વિની વૈષ્ણવ અને રાજ્યપાલ સીવી આનંદ બોઝે મમતા બેનર્જીને શાંત પાડવાનો પ્રયાસ કર્યો હતો. જોકે, મમતાએ સ્ટેજ પર ન જવાનો નિર્ણય કર્યો અને સ્ટેજની સામેની ખુરશી પર બેસી ગયા હતા. વડાપ્રધાન નરેન્દ્ર મોદીએ પૂર્વોત્તરના પ્રવેશદ્વાર હાવડા અને ન્યુ જલપાઈગુડીને જોડતી વંદે ભારત એક્સપ્રેસને વિડીયો કોન્ફરન્સના માધ્યમથી ફ્લેગ ઓફ કરી હતી.

#WATCH | 'Jai Shri Ram' slogans were raised on a platform at Howrah Railway station after the arrival of West Bengal CM Mamata Banerjee at the event where Vande Bharat Express was later flagged off by PM Modi through video conferencing. pic.twitter.com/PKAWPr9zSo

— ANI (@ANI) December 30, 2022

અશ્વિની વૈષ્ણવે શું કહ્યું ? 

કેન્દ્રીય રેલ્વે મંત્રી અશ્વિની વૈષ્ણવે કહ્યું કે, આજે વડાપ્રધાને પશ્ચિમ બંગાળના તમામ લોકોને એક મોટી ભેટ આપી છે અને કેવી રીતે પ્રતિકૂળ સંજોગો વચ્ચે પણ તેઓ આ કાર્યક્રમ જોડાયા. તે રાષ્ટ્ર પ્રત્યેની પોતાની ફરજ સર્વોપરી રાખે છે. PMનું પૂર્વ ભારત માટે પૂર્વ ઉદયનું સ્વપ્ન છે. તેમણે હંમેશા કહ્યું છે કે, દેશનો વિકાસ ત્યારે જ થશે જ્યારે તમામ રાજ્યોનો વિકાસ થશે જેમાં પશ્ચિમ બંગાળનું મહત્વનું સ્થાન છે. વડાપ્રધાને પૂરતું ભંડોળ ફાળવ્યું છે. અમે રાજ્ય સરકારને વિનંતી કરીએ છીએ કે, જમીન સંપાદનમાં અમને સહકાર આપે.