આગામી 48 ક્લાકમાં ગુજરાતનાઅ અનેક વિસ્તારોમાં ભારેથી અતિભારે વરસાદની હવામાન વિભાગ દ્વારા આગાહી કરવામાં આવી છે. જેને લઈને તંત્ર પણ સાબદું બન્યું છે.
Share
વરસાદને લઈને હવામાન વિભાગની આગાહી
આગામી 2 દિવસ ભારે વરસાદ રહેશે
દક્ષિણ ગુજરાતમાં ધોધમાર વરસાદની આગાહી
ચોમાસુ સીઝનના પ્રારંભને લઈને ગુજરાતમાં સારા એવા મેઘમંડાણ થયા છે. હવામાન વિભાગની આગાહીને લઈને અનેક વિસ્તારોમાં અવિરત અનરાધાર મેઘમહેર થઈ રહી છે. જેને લઇને નીંચાણવાળા વિસ્તારો જળબંબાકાર થયા છે. તેવામાં હવામાન વિભાગ દ્વારા વધુ એક વખત વરસાદને લઈને આગાહી કરવામાં આવી રહી છે જેના ભાગરૂપે આગામી બે દિવસમાં ગુજરાતના અનેક શહેરોમાં ભારેથી ભારે વરસાદ નોંધાય તેવા અણસાર વ્યક્ત કરવામાં આવ્યા છે. બીજી બાજુ અમદાવાદ, સુરત, રાજકોટ સહિતના શહેરોમાં તંત્ર એલર્ટ બન્યું છે.
29 અને 30 જૂને રાજ્યમાં અતિભારે વરસાદની આગાહી
હવામાન વિભાગના વૈજ્ઞાનિકના જણાવ્યા અનુસાર રાજ્યમાં ચાર દિવસ વરસાદી વાતાવરણ જોવા મળી રહેશે. જેમાં આગામી બે દિવસ એટલે કે 48 કલાક અત્યંત ભારે વરસાદ ત્રાટકે તેવા સંજોગો વર્તાઈ રહ્યા છે. જેમાં દક્ષિણ ગુજરાતના વિસ્તારોમાં અતિ ભારે વરસાદની આગાહી કરવામાં આવી રહી છે. સાથે સાથે 29 અને 30 જૂનના રોજ રાજ્યના બીજા પણ અન્ય વિસ્તારોમાં અતિ ભારે વરસાદ નોંધાઈ શકે છે. ત્યારબાદ હવામાન વિભાગના જણાવ્યા અનુસાર 1 જાન્યુઆરીથી વરસાદની ગતિ ધીમી પડશે અને વરસાદી ટ્રફ અને સર્ક્યુલેશનને લીધે ભારે વરસાદ પડી શકે તેમ છે.
અમદાવાદમાં આગામી 2 દિવસ ભારે વરસાદ રહશે
નોંધનીય છે કે ડાંગ, વલસાડ, સુરત, તાપી અને દાદરાનગર હવેલીમાં અતિભારે વરસાદની આગાહી કરે છે, દક્ષિણ ગુજરાતના અમુક વિસ્તારોમાં રેડ અને ઓરેન્જ પણ જ્યારે કરાયું હતું. અગાઉ આ આગાહીને લઈને એનડીઆરએફ સહિતની દળની ટીમોને પણ તૈનાત કરી દેવામાં આવી છે.વધુમાં સૌરાષ્ટ્ર અને ઉત્તર ગુજરાતમાં ભારે વરસાદની આગાહી કરવામાં આવી રહી છે તે જ રીતે ગીર સોમનાથ, અમરેલી, રાજકોટ, જૂનાગઢમાં પણ ભારે વરસાદ નોંધાઈ શકે છે. તો ખાસ અમદાવાદમાં આગામી બે દિવસ માટે ભારે વરસાદનું વાતાવરણ સર્જાય તેવું હવામાન વિભાગ દ્વારા સત્તાવાર રીતે જાહેર થવા પામ્યું છે.
ચોમાસાને લઈને અંબાલાલ પટેલે કહ્યું કે...
બીજી બાજુ ચોમાસાને લઈને અંબાલાલ પટેલે રાહતરૂપ આગાહી કરી છે. જેમાં જણાવ્યું કે ખેડૂતો માટે આ વર્ષ સારું રહેશે, આ વર્ષે સાર્વત્રિક વરસાદ થશે.અંબાલાલ પટેલના જણાવ્યા અનુસાર ઓગસ્ટ મહિનાના પહેલા સપ્તાહમાં પણ સારો વરસાદ થશે. સાથે જ આ વર્ષે ઉત્તર ગુજરાત અને મધ્ય ગુજરાતમાં ભારે વરસાદ થશે. 1 જુલાઈ સુધી અમદાવાદ અને વડોદરામાં વરસાદ થવાની સંભાવના છે.
