હાલ સમગ્ર રાજ્યમાં મેઘરાજા મનમુકીને વરસ્યા છે. ત્યારે ગત રોજ નર્મદા ડેમમાંથી પાણી છોડવામાં આવતી નીચાણવાળા વિસ્તારો પાણીમાં ગરકાવ થઈ ગયા હતા. તો અનેક જગ્યાએ એનડીઆરએફ, એસડીઆરએફ તેમજ કોસ્ટગાર્ડ દ્વારા રેસ્ક્યું ઓપરેશન કરાયું હતું.
Share
ભરૂચનાં કાંસિયા ગામમાં પાણી ફરી વળ્યા
સાતઘોડા વિસ્તારમાં 2 યુવક પાણીમાં ફસાયા
બંને યુવકને પોલીસ અને તંત્રએ કર્યા રેસ્કયુ
સાતઘોડા વિસ્તારમાં 2 યુવક પાણીમાં ફસાયા
ભરૂચનાં કાંસિયા ગામમાં પાણી ફરી વળ્યા હતા. ત્યારે અચાનક પાણીનો પ્રવાહ વધતા ખેતરમાં કામ કરી રહેલા 2 યુવકો પાણીમાં ફસાયા હતા. સાતઘોડા વિસ્તારમાં 2 યુવક પાણીમાં ફસાયા હોવાની જાણ થતા પોલીસ અને તંત્રએ બંને યુવકનું રેસ્ક્યું કર્યું હતું.
લોકોને રેસક્યું કરવા એરફોર્સની મદદ લેવાઇ
ગત રોજ નર્મદા ડેમમાંથી પાણી છોડાતા નર્મદાનાં નીચાણવાળા વિસ્તારનાં અનેક ગામોમાં પાણી ફરી વળ્યા હતા. વડોદરા જીલ્લાનાં બરકાલ ગામનાં બેટમાં લોકો ફસાયા હતા. વ્યાસ બેટમાં 12 લોકો ફસાયા હતા. જેથી લોકોએ મંદિરનાં ધાબા પર આશરો લીધો હતો. લોકોને રેસ્ક્યું કરવા એરફોર્સની મદદ લેવાઈ હતી. અનેક જગ્યાએ રોડ પર પાણી ફરી વળ્યા હતા.
બોટ મારફતે બહાર કાઢવામાં આવ્યા
દેવગઢ બારિયા તાલુકામાં ઉચવાણ પાસે પાનમ નદીમાં 3 લોકોનું રેસ્ક્યું કરાયું હતું. રેસ્ક્યુ ટીમનાં મેમ્બર અને 1 સ્થાનિક વ્યક્તિ નદીમાં ફસાયા હતા. જેઓને એસડીઆરએફ ની ટીમે બોટ મારફતે રેસ્ક્યું કરી બહાર કાઢ્યા હતા.
ફસાયેલા 4 શ્રમિકોની જાણકારી મળતાં રેસ્ક્યુ કરાયા
ઉપરવાસમાં ભારે વરસાદને લઈ બનાસકાંઠાની નદીઓમાં ઘોડાપુર આવ્યા હતા. આબુરોડ પાસેનાં શિવગંજની જવાઈ નદીમાં 4 શ્રમિકો ફસાયા હતા. ખેતરમાં કામ કરતા સમયે નદીનો પ્રવાહ વધતા શ્રમિકો ફસાયા હતા. ફસાયેલા 4 શ્રમિકોની જાણકારી મળતા રેસ્ક્યું કરાયા હતા. કલાકો સુધી કૂવાની પાળી પર આશરો લઈ શ્રમિકોએ જીવ બચાવ્યો હતો.
7 બાળક, 3 પુરુષ અને 12 બાળકોનું રેસ્ક્યુ
ભરૂચનાં નિકોરા ગામમાં NDRF દ્વારા રેસ્ક્યું ઓપરેશન કરાયું હતું. NDRF દ્વારા નીચાણવાળા વિસ્તારમાં રેસ્ક્યું ઓપરેશન હાથ ધરાયું હતું. જેમાં 7 બાળકો, 3 પુરૂષ અને 12 બાળકોનું રેસ્ક્યું કરાયું હતું.
માંગરોળ ગામે વાયબ્રન્ટ સ્કૂલમાં ફસાયેલા બાળકોનું રેસ્કયૂ
માંગરોળ ગામે વાયબ્રન્ટ સ્કૂલમાં ફસાયેલા બાળકોનું રેસ્ક્યું કરાયું હતું. વાયબ્રન્ટ સ્કૂલમાં પ્રિન્સિપાલ શિક્ષકો સહિત બાળકોનું રેસ્ક્યું કરાયું હતું. SDRFની ટીમે બોટ દ્વારા બિસ્કીટ પાણી પહોંચાડ્યું હતું. હાલ 6 બાળકોને રેસ્ક્યું કરી માંગરોળ ટેકરા પર લાવવામાં આવ્યા છે. ત્યારે બાળકો ધીરે ધીરે બહાર આવતા વાલીઓએ રાહતને શ્વાર લીધો હતો. આ રેસ્ક્યું કામગીરી લગભગ 5 કલાક સુધી ચાલી હતી. ડી.વાય.એસ.પી જી.એ.સરવૈયા સહિત પોલીસ ટીમ અને એસડીઆરએફ ખડેપગે રહ્યા હતા.
ગોધરાના ચંચોપા ગામે 3 શ્રમિકોનું રેસ્ક્યું
પંચમહાલનાં ગોધરાનાં ચંચોપા ગામે 3 શ્રમિકોનું રેસ્ક્યું કરાયું હતું. ત્યારે પીઆઈ આસોડા સહિતના કર્મચારીઓ દ્વારા રેસ્ક્યું કરવામાં આવ્યું હતું. ભારત માલા પ્રોજેક્ટનાં શ્રમિકોનું રેસ્ક્યું કરવામાં આવ્યું હતું. અંદાજીત 70 ફૂટ ઉંડા ખાડામાંથી દોરડા વડે કાઢવામાં આવ્યા હતા.
