- ગુજરાત હાઇકોર્ટમાં આજે ફાયર સેફ્ટીના અભાવ મામલે સુનાવણી
- ફાયર સેફ્ટી પર કામગીરી ન થતી હોવાની રજૂઆત
- અરજદારને પુરાવા જમા કરાવવા કોર્ટનો આદેશ
- આવતા સપ્તાહમાં હાથ ધરાશે વધુ સુનાવણી
ગુજરાત હાઇકોર્ટમાં આજે ફાયર સેફ્ટીના અભાવ મામલે સુનાવણી થઈ હતી. જેમાં અરજદારે અમદાવાદમાં શાહીબાગની હાઇરાઇઝ બિલ્ડિંગમાં લાગેલી આગની ઘટનાનું પણ ઉદાહરણ આપ્યું હતું. આજે અરજદારે ફાયર સેફ્ટીની કામગીરી પર સવાલ ઉઠાવ્યા હતા. આ તરફ કોર્ટે કહ્યું કે, પુરાવા હોય તો રજીસ્ટ્રી ઓફિસમાં જમા કરાવો. મહત્વનું છે કે, હવે તમામ પુરાવા સાથે આ કેસની સુનાવણી આવતા અઠવાડિયે થશે.
ફાયર સેફ્ટીના અભાવ મામલે હાઇકોર્ટમાં સુનાવણી
આજે ગુજરાત હાઇકોર્ટ ખાતે એક અરજદારની અરજી પર કોર્ટે સુનાવણી કરી હતી. અરજદારે પોતાની અરજીમાં ફાયર સેફ્ટીના અભાવ મામલે રજૂઆત કરી હતી. જેમાં અરજદારે તાજેતરમાં અમદાવાદના શાહીબાગની આગની ઘટનાનું પણ ઉદાહરણ આપ્યું હતું. અરજદારે કહ્યું હતું કે, ફાયર સેફ્ટીની બેદરકારીથી પ્રાંજલ નામની યુવતીનું મૃત્યુ થયું.
અરજદારે શું કહ્યું ?
એક અરજદારે ગુજરાત હાઇકોર્ટમાં ફાયર સેફ્ટીના અભાવ મામલે રજૂઆત કરી હતી. જેમાં તેમણે અમદાવાદના શાહીબાગની હાઇરાઇઝ બિલ્ડિંગમાં લાગેલી આગમાં પ્રાંજલ નામની યુવતીનું મોત થયું તેનું પણ ઉદાહરણ આપ્યું હતું. તેમણે કહ્યું કે, ફાયર સેફ્ટીની બેદરકારીથી પ્રાંજલ નામની યુવતીનું મૃત્યુ થયું. આ સાથે ઉમેર્યું હતું કે, લોકોમાં ફાયર સેફ્ટીની જાગૃતતાનો અભાવ છે. ફાયર સેફ્ટીના અભાવથી આગના બનાવ વધી રહ્યા છે. આ સાથે ફાયર સેફટી પર કામગીરી થતી ન હોવાની પણ રજૂઆત કરી હતી.
શું કહ્યું ગુજરાત હાઇકોર્ટે ?
આજે ગુજરાત હાઇકોર્ટમાં ફાયર સેફ્ટીના અભાવ મામલેની એક અરજદારની અરજી પણ સુનાવણી થઈ હતી. જેમાં અરજદારની દલીલ બાદ હાઈકોર્ટે ટકોર કરી હતી કે, પુરાવા હોય તો રજિસ્ટ્રી ઓફિસમાં જમાં કરાવો. જોકે હવે તમામ પુરાવા સાથે આવતા અઠવાડિયે કોર્ટમાં સુનાવણી થશે.
