- સ્ટાર ઓલરાઉન્ડર હાર્દિક પંડ્યા ઈજાગ્રસ્ત થયાનો મામલો
- પગની ઘૂંટીમાં ઇજા થતા હાર્દિક ગંભરી
- મામલે BCCIએ ફોડ પાળી દીધો
બાંગ્લાદેશ સામેની ODI વર્લ્ડ કપની છેલ્લી મેચમાં ટીમ ઈન્ડિયાના સ્ટાર ઓલરાઉન્ડર હાર્દિક પંડ્યા ઈજાગ્રસ્ત થયા હતા. પુણેમાં બાંગ્લાદેશ સામેની મેચ દરમિયાન ઈજાગ્રસ્ત થતા જેને પગની ઘૂંટીમાં ઇજા થવા પામી હતી. આવી સ્થિતિ વચ્ચે હવે BCCIએ તેના વિશે એક મોટું અપડેટ આપ્યું છે. હાર્દિક વર્લ્ડ કપની આગામી મેચ ન્યૂઝીલેન્ડ સામે રમશે કે નહીં? આ મામલે BCCIએ ફોડ પાળી દીધો છે.
ઈંગ્લેન્ડ સામે વર્લ્ડ કપની મેચમાં લેશે ભાગ
હાર્દિક પંડ્યા ન્યૂઝીલેન્ડ સામેની આગામી વર્લ્ડ કપ મેચ રમી શકશે નહીં. BCCIએ હાર્દિકનું સ્કેનિંગ કરાવ્યું છે. તેને આરામની સલાહ આપવામાં આવી છે. જે સારવાર અને રીકવરી અર્થે બેંગલુરુમાં નેશનલ ક્રિકેટ એકેડમી ખાતે જઈ રહ્યો છે. આવી સ્થિતિમાં ભારત 22 ઓક્ટોબરે ધર્મશાલામાં ન્યૂઝીલેન્ડ સામે વર્લ્ડ કપ મેચ રમશે. હવે ધર્મશાલા નહીં જાય અને હવે સીધો લખનૌ જશે જ્યાં ટીમને ઈંગ્લેન્ડ સામે મેચ રમવાની છે.ભારતને 29 ઓક્ટોબરે લખનૌમાં ઈંગ્લેન્ડ સામે વર્લ્ડ કપની મેચ રમવાની છે.
આ ખેલાડીઓને મળી શકે છે મોકો
વર્લ્ડ કપ 2023 માટે સ્પિનર ઓલરાઉન્ડર અક્ષર પટેલને ટીમમાં જગ્યા મળી હતી. પરંતુ તે એશિયા કપ 2023 વખતે ઈજાગ્રસ્ત થઈ ગયા હતા. ત્યાર બાદ ઓફ સ્નિર આર અશ્વિનને ટીમમાં શામેલ કરવામાં આવ્યા. એવામાં પંડ્યા બહાર થાય તો અક્ષર પટેલને ટીમમાં જગ્યા મળી શકે છે.
હાર્દિક પંડ્યાની જગ્યા પર ફાસ્ટ બોલર ઓલરાઉન્ડર દીપક ચાહર અને શિવમ દુબેને પણ મોકો મળી શકે છે. બન્ને ખેલાડી આઈપીએલ 2023માં ચેન્નાઈ સુપર કિંગ્સનો ભાગ હતા અને એમએસ ધોનીને IPLની 5મી ટ્રોફી અપાવી હતી.
