ગાંધીનગર / ઉમેદવારો ધ્યાન આપે ! ગુજકેટની પરીક્ષા માટે હોલ ટિકિટ ડાઉનલોડ થવાનું શરુ, જાણી લો પ્રોસેસ

રાજ્યમાં ગુજકેટની પરીક્ષા માટે હોલ ટિકિટ ડાઉનલોડની પ્રક્રિયા શરૂ થઈ ગઈ છે. અત્રે જણાવીએ કે, 31 માર્ચે ગુજકેટની પરીક્ષા યોજાનાર છે. વિદ્યાર્થીઓએ હોલ ટિકિટ સાથે ઓળખનો પુરાવો સાથે રાખવો ફરજિયાત જણાવાયું છે
    ગુજરાત માધ્યમિક અને ઉચ્ચતર માધ્યમિક શિક્ષણ બોર્ડની અખબારી યાદીંમાં જણાવ્યું છે કે તા.31 માર્ચ 2024, રવિવારના રોજ લેવાનાર ગુજરાત કોમન એન્ટ્રન્સ ટેસ્ટ (ગુજકેટ) - 2024ની પરીક્ષાનું એડમિશન કાર્ડ (પ્રવેશિકા/Hall Ticket) ફકત ઓનલાઇન માધ્યમથી મૂકવામાં આવે છે. જેની ગુજકેટ-2024ની પરીક્ષાના તમામ ઉમેદવારોએ, વાલીઓએ તથા રાજ્યની વિજ્ઞાન પ્રવાહ ધરાવતી તમામ ઉચ્ચતર માધ્યમિક શાળાના આચાર્યઓએ નોંધ લેવા વિનંતી છે.

આ રીતે ડાઉનલોડ કરી શકશો

અખબારી યાદીમાં વધુમાં જણાવ્યું છે કે, ગુજકેટ-2024ની પરીક્ષામાં ઉપસ્થિત થનાર ઉમેદવારોએ પોતાનું એડમિશન કાર્ડ(પ્રવેશિકા) બોર્ડની વેબસાઇટ gujcet.gsebht.in અથવા gsebht.in અથવા www.gseb.org પરથી Download કરવાનું રહેશે. જેમાં ઉમેદવારોએ ગુજકેટ-2024 માટે ભરેલ આવેદનપત્રમાં નોંધાયેલ મોબાઇલ નંબર અથવા ઇ-મેઇલ આઇ.ડી અને જન્મ તારીખ અથવા એપ્લીકેશન નંબર દાખલ કરી એડમિશન કાર્ડ (પ્રવેશિકા/Hall Ticket) ડાઉનલોડ કરી શકાશે. ઉમેદવારો પોતાના નામ પરથી પણ એડમિશન કાર્ડ (પ્રવેશિકા) Search કરી, જન્મ તારીખની વિગત ભરીને ડાઉનલોડ કરી શકશો.

હોલટીકીટ પર શાળાના આચાર્યઓના સહી સિક્કા કરાવવો

આ ઉપરાંત ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ ખાતે નોંધાયેલ રાજયની વિજ્ઞાન પ્રવાહ ધરાવતી તમામ ઉચ્ચતર માધ્યમિક શાળાઓ પોતાના ઇન્ડેક્ષ નંબર તથા રજીસ્ટર્ડ મોબાઇલ નંબરનો ઉપયોગ કરી લોગ-ઇન થઇ પોતાની શાળાના ગુજકેટ-2024 માટેના ઉમેદવારોના એડમિશન કાર્ડ (પ્રવેશિકા/Hall Ticket) ડાઉનલોડ કરીને તમામ વિદ્યાર્થીઓને વિતરણ કરી શકશે. ગુજકેટ-2024 માટેના એડમિશન કાર્ડ (પ્રવેશિકા /Hall Ticket) ફકત ઓનલાઇન માધ્યમથી જ મળશે, જે પરીક્ષાખંડમાં પ્રવેશ માટે માન્ય રહેશે. આ હોલટીકીટ પર શાળાના આચાર્યઓના સહી સિક્કા કરાવવાની જરૂર નથી જે ધ્યાને લેશો.

વાંચવા જેવું: છોટાઉદેપુર અને અમદાવાદના SPની ટ્રાન્સફર, ગુજરાત સહિત 4 રાજ્યોમાં બદલાયા અધિકારીઓ

ઉમેદવારો(પરીક્ષાર્થી) માટે ખાસ નોંધ

ગુજકેટ-2024 પરીક્ષાના ઉમેદવારોએ પરીક્ષા દરમિયાન એડમિશન કાર્ડ (પ્રવેશિકા/Hall Ticket) સાથે કોઇ પણ એક ફોટો આઇ.ડી પ્રૂફ (આધાર કાર્ડ અથવા ડ્રાઇવીંગ લાયસન્સ અથવા ધોરણ-૧૨ ની પરીક્ષાની હોલટીકીટ) સાથે લઇ જવાનું રહેશે. જેની ખાસ નોંધ લેવી..

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો