નિધન / પદ્મશ્રી કવિ દાદ બાપુનું નિધન, ગુજરાતી સાહિત્યજગતને મોટી ખોટ

• પદ્મશ્રી એવોર્ડ વિજેતા કવિ દાદ બાપુનું નિધન
• કવિ દાદબાપુની વિદાયથી ગુજરાતી સાહિત્યજગતને મોટી ખોટ
• કવિ દાદની નિધનથી કલા જગતમાં શોકનો માહોલ

ધણા સમયથી બિમાર પદ્મશ્રી કવિ દાદ બાપુનું નિધન થયું છે. કવિ દાદના નિધનથી કલા જગતમાં શોકનો માહોલ સર્જાયો છે. ગરવા ગિરનારના કવિ દાદને પદ્મશ્રી સન્માનથી સન્માનિત કરાયા હતા. કવિ દાદ મૂળ ઇશ્વરિયાના હતા. 82 વર્ષિય કવિ દાદને પદ્મશ્રી પુરસ્કારથી સન્માનિત કરાયા હતા. 

પદ્મશ્રી પહેલા કવિ દાદને ગુજરાત ગૌરવ અને ઝવેરચંદ મેઘાણી એવોર્ડ એનાયત કરાયો હતો. તેમની રચનામાં માટીની મહેક અને ગુજરાતની પરંપરાની ઝલક છે. તેથી તેમની દરેક રચના સૌ કોઇને એટલી જ પોતીકી લાગે છે.

કવિ દાદની અદભૂત અમર રચનાઓ

કવિ દાદે 15થી વધુ ગુજરાતી ફિલ્મમાં યાદગાર ગીતો આપ્યા છે. કવિ દાદનું કન્યા વિદાયનું ગીત ‘કાળજા કેરો કટકો મારો ગાંઠથી છૂટી ગ્યો” ખૂબ લોકપ્રિય છે. કવિ દાદે લોકગીત ઉપરાંત અનેક ભજનની પણ રચના કરી છે. કૈલાશ કે નિવાસ પ્રખ્યાત શિવજીનું ભજન દાદની કલમે જ લખાયેલું છે. તો હિરણ હલકારી જોબનવાળી નદી રૂપાળી નખરાળી, જાત કમાણી કરીને ખાય એ સિંહની જાત, મોગલ આવે નવરાત રમવા કેવા કેવા વેશે જેવા ગીતો કવિ દાદબાપુએ લખ્યા હતા.

કવિ દાદ માત્ર 4 ધોરણ પાસ હતા

કવિ દાદ માત્ર ચાર ધોરણ પાસ હતા પરંતુ તેના પર અનેક થીસિસ તૈયાર થયા છે. ગીતો અને કવિતામાં તેમનું ખેડાણ નોંધનિય છે.‘ટેરવા’ તેમનો સૌથી લોકપ્રિય ગ્રંથ છે. જે 8 ભાગમાં પ્રકાશિત થયો છે.