અમદાવાદ / ગુજરાત હાઇકોર્ટના બાર એસો.ની ચૂંટણીનું પરિણામ જાહેર, પ્રમુખ તરીકે બ્રિજેશ ત્રિવેદી, ઉપપ્રમુખ તરીકે વિરાટ પોપટની જીત

• ગુજરાત હાઇકોર્ટના બાર એસો.ચૂંટણીનું પરિણામ 
• પ્રમુખ માટે બ્રિજેશ ત્રિવેદી વિજેતા થયા
• સેક્રેટરી પદ પર હાર્દિક બ્રહ્મભટ્ટ વિજેતા બન્યા

ગુજરાત હાઇકોર્ટના બાર એસોસિએશનની ચૂંટણીનું પરિણામ જાહેર થતા ગુજરાત હાઇકોર્ટના પ્રમુખ માટે બ્રિજેશ ત્રિવેદી વિજેતા થયા છે. તો સેક્રેટરી પદ પર હાર્દિક બ્રહ્મભટ્ટ જ્યારે ઉપપ્રમુખ તરીકે વિરાટ પોપટ વિજેતા બન્યા છે. જ્યારે જોઈન્ટ સેકેટરી તરીકે ભાવિક પંડયા અને ખજાનચી તરીકે દર્શન દવે ચૂંટાયા છે. જીતેલા ઉમેદવારોમાં ખુશી વ્યક્ત કરી છે તેમજ તમામ ઉમેદવારોએ જીતની ઉજવણી પણ કરી છે

272 બાર એસોસિએશનની ચૂંટણી યોજાઈ હતી
અત્રે જણાવીએ કે, અમદાવાદ સહિત રાજ્યના 272 બાર એસોસિએશનની ગઈકાલે 22 ડિસેમ્બરે ચૂંટણી યોજાઈ હતી. તમામ બાર એસોસિએશનની ચૂંટણીનું શાંતિપૂર્ણ માહોલમાં મતદાન શરૂ થયું છે. વકીલોની માતૃસંસ્થા બાર કાઉન્સિલ ઓફ ગુજરાતની દેખરેખ હેઠળ સમગ્ર ચૂંટણી યોજાઈ હતી.

મતદાન કર્યો હતો
1 લાખ 25 હજારથી વધુ મતદારો મતદાન કર્યો હતો. ગઈકાલે સાંજે પાંચ વાગ્યા સુધી મતદાન બાદ સાંજના મતગણતરી શરૂ થઈ હતી. ગુજરાતના 272 બાર એસોસિએશનની ચૂંટણીની મતગણતરીનું લાઈવ ટેલિકાસ્ટ કરવામાં આવ્યું હતું. અનેક વકીલો ચૂંટણી ઉત્સાહભેર ભાગ લીધો હતો