- ગુજરાત જાયન્ટ્સે રેચલ હેન્સને પોતાના મુખ્ય કોચ તરીકે નિયુક્ત કર્યો
- બોલિંગ કોચ તરીકે નૂશિન અલ ખાદીરની પસંદગી
- બેટીંગ કોચ તરીકે તુષાર અરોઠેની પસંદગી
મિતાલી રાજના મેન્ટરશિપમાં ગુજરાત જાયન્ટ્સ એક મજબૂત ટીમ બનશે
મહિલા પ્રીમિયર લીગ માટે મુંબઈમાં ઓક્શન ચાલી રહ્યું છે. પાંચ ફ્રેન્ચાઈજીઓ પોતાના 90 સ્લોટને ભરવા માટે ખેલાડીઓ પર બોલી લગાવશે. મિતાલી રાજના મેન્ટરશિપમાં ગુજરાત જાયન્ટ્સ એક સંતુલિત ટીમ બનશે. ટીમના ખાતામાં 12 કરોડ રૂપિયા છે. ગુજરાત જાયન્ટ્સે મહિલા પ્રીમિયર લીગના ઑક્શન પહેલા રેચલ હેન્સને પોતાના મુખ્ય કોચ તરીકે નિયુક્ત કર્યો છે. ગુજરાતે બોલિંગ કોચ તરીકે નૂશિન અલ ખાદીર અને બેટીંગ કોચ તરીકે તુષાર અરોઠે અને ફીલ્ડિંગ કોચ તરીકે ગવાન ટ્વિનિંગને સાથે રાખીને ટીમને ખાસ્સી મજબૂત કરી દીધી છે. તો ભારતની પૂર્વ કેપ્ટન મિતાલી રાજને ટીમના મેન્ટર અને સલાહકારના રૂપમાં સાઈન કરી છે. ફ્રેન્ચાઈઝી ન્યુનત્તમ 15 ખેલાડી અને મહત્તમ 18 ખેલાડી ખરીદી શકે છે. જેમાં 7 વિદેશી ખેલાડીઓનો સમાવેશ થશે.
ગુજરાત જાયન્ટ્સ ટીમ
એશ્લે ગાર્ડનર: ઓસ્ટ્રેલિયન ઓલરાઉન્ડર એશ્લે ગાર્ડનરનુ નામ આવ્યું. જેની બેસ પ્રાઈસ 50 લાખ રૂપિયા છે. મુંબઈ અને યુપી વચ્ચે તેમને ખરીદવાની જંગ છેડાઈ. ગુજરાત જાયન્ટ્સ પણ રેસમાં જોડાઈ. ગુજરાત જાયન્ટ્સે એશ્લે ગાર્ડનરને 3.2 કરોડ રૂપિયામાં ખરીદી.
બેથ મૂની: ઓસ્ટ્રેલિયન વિકેટકીપર બેટર બેથ મૂનીનુ નામ આવ્યું. જેની બેસ પ્રાઈસ 40 લાખ રૂપિયા છે. આરસીબી અને મુંબઈની વચ્ચે મૂનીને ખરીદવાની જંગ છેડાઈ. છેલ્લે ગુજરાત જોડાયુ. ગુજરાત જાયન્ટ્સે બેથ મૂનીને 2 કરોડ રૂપિયામાં ખરીદી.
સોફિયા ડંકલી: ઈંગ્લેન્ડની મહિલા બેટર સોફિયા ડંકલીનુ નામ આવ્યું. જેની બેસ પ્રાઈસ 30 લાખ રૂપિયા છે. ગુજરાતે સૌથી પહેલા પ્રયાસ કર્યો. દિલ્હી કેપિટલ્સે પણ રસ દાખવ્યો. ગુજરાત જાયન્ટ્સે સોફિયા ડંકલીને 60 લાખ રૂપિયામાં ખરીદી.
હરલીન દેઓલ: ભારતીય ઓલરાઉન્ડર હરલીન દેઓલનુ નામ આવ્યું. જેની બેસ પ્રાઈસ 40 લાખ રૂપિયા છે. ગુજરાત જાયન્ટ્સે સૌથી પહેલા પહેલ કરી. ગુજરાત જાયન્ટ્સે હરલીન દેઓલને તેની બેસ પ્રાઈસમાં ખરીદી.
