ગુજરાત / ડ્રગ્સ મુદ્દે નવાબ મલિકને હર્ષ સંઘવીનો જવાબ, 'મલિક જી, ડ્રગ માફિયા સજ્જાદ અત્યાર સુધી...'

• ગૃહ રાજ્યમંત્રી હર્ષ સંઘવીનો નવાબ મલિકને જવાબ
• સજ્જાદ ગુજરાતમાં ડ્રગ્સ ઘુસાડે તે પહેલા તેની ધરપકડ કરીઃ સંઘવી
• મને ગુજરાત પોલીસ પર ગર્વ છેઃ સંઘવી

છેલ્લા કેટલાક સમયથી NCP નેતા નવાબ મલિક ડ્રગ્સ કેસને લઈને હોબાળો મચાવી રહ્યા છે. આર્યન ખાન ડ્રગ્સ કેસમાં પણ તેમણે NCB અધિકારી સમીર વાનખેડે પર ગંભીર આક્ષેપો કર્યા હતા. ત્યારે હવે નવાબ મલિક ગુજરાતના ડ્રગ્સ કેસને ટાર્ગેટ કરી રહ્યા છે. જેમાં ડ્રગ્સને લઈને તેમણે ગુજરાતની સુરક્ષા મુદ્દે સવાલો ઉઠાવ્યા છે. જેમાં તેમણે મલિકે ગુજરાતના ભાજપ નેતા કિરીટસિંહ રાણા ડ્રગ્સ કનેક્શન હોવાનુ કહ્યુ હતુ. તો કિરીટસિંહ રાણાએ આરોપોને ફગાવ્યા હતા, જ્યારે હવે જીતુ વાઘાણી બાદ હર્ષ સંઘવીએ આ અંગે નવાબ મલિકને જવાબ આપ્યો છે.

ગૃહ રાજ્યમંત્રી હર્ષ સંઘવીએ ટ્વિટ કરીને મહારાષ્ટ્રના મંત્રી નવાબ મલિકને જવાબ આપ્યો છે કે, મહારાષ્ટ્રમાં ડ્રગ્સ ઘુસાડે તે પહેલા સજ્જાદની ધરપકડ કરાઈ છે. મને ગુજરાત પોલીસ પર ગર્વ છે. ગુજરાતના યુવાનોની જિંદગી બગડે તે પહેલા આરોપીની ધરપકડ કરી છે. સજ્જાદ શાકભાજીની આડમાં ડ્રગ્સનો કાળો ધંધો કરી રહ્યો હતો. કોના ઇશારે સજ્જાદ કામ કરે તેની તપાસ કરાવો.

નવાબ મલિકના આક્ષેપ પર ગૃહ રાજ્યમંત્રીએ કર્યું ટ્વીટ

મલિક જી, ડ્રગ માફિયા સજ્જાદ અત્યાર સુધી કોના ઈશારે મુંબઈમાં ડર વગર ડ્રગ્સનો ધંધો કરતો હતો? તેની તપાસ કરાવો. ગુજરાત પોલીસ પર મને ગર્વ છે કે તેમણે ગુજરાતમાં ડ્રગ્સ ઘુસે તે પહેલા જ પકડી પાડ્યું.

कही साल से ड्रग्स माफिया सज्जाद , सब्ज़ी बेचने की आड़ में ड्रग्स बेचकर महाराष्ट्र के युवाओं की ज़िंदगी तबाह कर रहा था , ऐसे मुजरिम के पकड़े जाने से आप परेशान क्यों हो रहे है ? आपको तो गुजरात पुलिस पर फक्र होना चाहिये कि ये ड्रग्स महाराष्ट्र पहुँचने से पहले ज़ब्त किया गया है ।

કેટલાય વર્ષોથી ડ્રગ્સ માફિયા સજ્જાદ, શાકભાજી વેચવાની આડામાં ડ્રગ્સ વેચીને મહારાષ્ટ્રના યુવાઓને બરબાદ કરી રહ્યો હતો..આવા આરોપીની ધરપકડથી તમે કેમ પરેશાન છો? આપને તો ગુજરાત પોલીસ પર ગર્વ થવો જોઈએ કે ડ્રગ્સ મહારાષ્ટ્ર પહોંચે તે પહેલા જ કબ્જે કરી લેવામાં આવ્યું.
 

— Harsh Sanghavi (@sanghaviharsh) November 11, 2021