- મેં મહિનામાં 3 સેક્ટરમાં પુરાયા ચેતનવંતા પ્રાણ
- રેકોર્ડ બ્રેક GST કલેક્શન થયું
- PMI ચાર મહિનાની ટોચે પહોંચી ગયો
મેં મહિનો કેન્દ્રની નરેન્દ્ર મોદી સરકાર માટે રાહત લઈને આવ્યો હતો. આ સમયગાળા દરમિયાન ત્રણ ત્રણ સારા સમાચાર મળી રહ્યા છે. જેમાં GST કલેક્શન સબંધિત સારા સમાચાર છે, જે એપ્રિલમાં નવા રેકોર્ડ સ્તરે પહોંચ્યો હતો. વધુમાં ઓટો સેક્ટર સાથે સંબંધિત બીજા સારા સમાચાર એ છે કે એપ્રિલ 2023માં વાહનોનું જબરદસ્ત વેચાણ નોંધાયું છે. તેમજ ત્રીજા સારા સમાચાર મેન્યુફેક્ચરિંગ સેક્ટરમા નોંધાયા છે..જ્યા PMI ચાર મહિનાની ટોચે પહોંચી ગયો છે.
રેકોર્ડ બ્રેક GST કલેક્શન થયું
નાણાકીય વર્ષ 2023-24ની શરૂઆત મોદી સરકાર માટે સકારાત્મક ઊર્જા સાથે થઈ છે. 1 જુલાઈ, 2017 થી દેશમાં GST લાગુ કરાયો હતો. જેના છેલ્લા 6 વર્ષના સમયગાળા દરમિયાન એપ્રિલ-2023માં રેકોર્ડ બ્રેક GST કલેક્શન થયું છે. એપ્રિલમાં જીએસટી કલેક્શન રૂ. 1.87 લાખ કરોડ હતું. અગાઉ એપ્રિલ 2022માં સૌથી વધુ GST કલેક્શન 1.68 લાખ કરોડ રૂપિયા હતું. એપ્રિલ 2022ની સરખામણીએ ગયા મહિને રૂ. 19,495 કરોડનું વધુ GST કલેક્શન થયું હતું.
મેન્યુફેક્ચરિંગ સેક્ટરમાંથી સારા સમાચાર
બીજા સારા સમાચાર એ છે કે મેન્યુફેક્ચરિંગ સેક્ટર માટેનો ભારતનો પરચેઝિંગ મેનેજર્સ ઈન્ડેક્સ એપ્રિલ 2023માં ઊંચો ગયો છે. જે 4 મહિનાની ઊંચી સપાટીએ પહોંચી તે 57.2 પર અટક્યો છે. જ્યારે અગાઉ માર્ચમાં તે 56.4 પર હતો. એક સર્વે અનુસાર, નવા ઓર્ડર મળવાની સાથે ઉત્પાદનમાં વધારાને કારણે મેન્યુફેક્ચરિંગ પીએમઆઈમાં તેજી નોંધાઈ છે. સર્વેના દાવા અનુસાર એપ્રિલ માસમાં ઉદ્યોગના ઓર્ડર અને ઉત્પાદનમાં સૌથી વધુ તેજી નોંધાઈ છે.જે બમણી ગતિએ આગળ વધી રહ્યું છે.
ઓટોમોબાઈલ સેક્ટર મોજમાં
તો ઓટોમોબાઈલ સેક્ટરે પણ રાજીના રેડ કરાવ્યા છે. ગત સોમવારે એપ્રિલ મહિનામાં વાહનોના વેચાણના આંકડા જાહેર થયા છે. જેના અભ્યાસમાં સ્પષ્ટ થયું છે કે મારુતિથી લઈને ટાટા મોટર્સ સુધીની દેશની અગ્રીમ કાર કંપનીઓના વેચાણમાં વૃદ્ધિ થય છે. તો મારુતિએ એપ્રિલમાં ભુક્કા બોલાવી દીધા હોય તેમ સૌથી વધુ વાહનોનું વેચાણ કર્યું છે. જેમાં કંપનીએ 1,43,558 કાર વેચી હતી, જ્યારે અગાઉના વર્ષે એટલે કે એપ્રિલ 2022માં 1,32,248 વાહનોનું વેચાણ થયું હતું..
