શૉકિંગ / સાત ફેરા બાદ વરરાજાએ કરી ફોર્ચ્યુનરની માંગ, કહ્યું જે કરવું હોય એ કરો મારે દુલ્હનને નથી લઈ જવી

જ્યારે પોતાના પતિના ઘરે જવાના સપના જોતી એક દુલ્હનને પતિએ સાથે લઈ જવાનો ઈનકાર કરી અને કહ્યું કે જો સાથે લઈ જશે તો 7 દિવસમાં મારી દેશે. તો દુલ્હનના અને તેમના પરિવાર પર આભ તૂટી પડ્યું. આ ઘટના હરિયાણાના રેવાડીમાં સામે આવી છે. અહીં ફેરા બાદ દુલ્હાના શબ્દો સાંભળીને લગ્ન પ્રસંગમાં બધા ચોંકી ઉઠ્યા. 

લગ્ન બાદ દુલ્હનને લઈ જવાનો ઈનકાર
હકીકતે નારનૌલથી 15 કિમી દૂર નિજામપુર ગામમાં મોડી રાત્રે રેવાડી જિલ્લાના ગામ લાલ રોહઢાઈથી એક જાન આવી. દુલ્હન પક્ષે જાનૈયાઓનું સ્વાગત કર્યું. લગ્નને લઈને ખુશીનો માહોલ હતો. ડાંસની સાથે જ જાનૈયાઓ ભોજન કરી રહ્યા હતા. ત્યાર બાદ વારો આવ્યો લગ્નની અન્ય વિધિનો. દુલ્હાએ થનાર પત્નીની સાથે સાત ફેરા પણ લઈ લીધા. ત્યાર બાદ તેણે દુલ્હનને સાથે લઈ જવાનો ઈનકાર કરી દીધો. 

દુલ્હાએ કહ્યું- મેં પોતાની ઈચ્છાથી લગ્ન નથી કર્યા. દુલ્હનને પોતાની સાથે નહીં લઈ જઉ. તેના વિરૂદ્ધ જે કાર્યવાહી કરવી હોય તે કરો. તેણે એમ પણ સ્વીકાર્યું કે લગનના સમયે યુવતીના પરિવારે 15 લાખ રૂપિયા અને સોનાના દાગીના પણ આપ્યા છે.

વધુ વાંચો:  VIDEO : લગ્નમાં મહિલાઓ મહિલાઓને પીરસવા લાગી દારુ-નોનવેજ, વીડિયો જોઈને બળી ગયા પુરુષો

યુવકે માંગી ફોર્ચ્યુનર ગાડી 
ત્યાં જ દુલ્હને કહ્યું કે ફેરા બાદ દુલ્હાએ ફોર્ચ્યુનર ગાડીની માંગ કરી. તેણે કહ્યું, હું તને લઈને નહીં જઉ. જો લઈને ગયો તો તને 7 દિવસમાં જ મારી નાખીશ. આ મામલામાં યુવકના પિતાએ આરોપોને નકારતા કહ્યું કે દુલ્હનને લઈ જવાનો ઈનકાર કરવાનું કારણ દુલ્હન અને દિકરાની વચ્ચે થયેલી વાતચીત હતી. અમે ફોર્ચ્યુનરની કોઈ માંગ નથી કરી. હવે સમાજ જે સજા આપશે અમને સ્વીકાર છે.