- ગુગલ પે યુઝર્સ રહે સાવધાન
- એપ્સ દ્વારા થઈ શકે છે ફ્રોડ
- બેંક એકાઉન્ટ થઇ જશે ખાલી
જો તમે ગુગલ પેનો ઉપયોગ કરો છો તો તમારે સાવધાન રહેવાની જરૂર છે. હકીકતે ગુગલ પે ભારતમાં ખૂબ જ પોપ્યુલર છે. પરંતુ જો તમે ફોનમાં Google Pay એપને ડાઉનલોડ કરી છે અને તેનાથી ટ્રાન્ઝેક્શન કરો છો તો તમારે ફોનમાં સ્ક્રીન શેર એપનો ઉપયોગ ન કરવો જોઈએ. કારણ કે સ્ક્રીન શેયરિંગ એપની મદદથી તમારા બેંક એકાઉન્ટને ખાલી કરવામાં આવી શકે છે.
શું હોય છે સ્ક્રીન શેયરિંગ એપ
સ્ક્રીન શેયરિંગ એપ્સની મદદથી ફોનની સ્ક્રીનને બીજાની સાથે શેર કરવામાં આવી શકે છે. એટલે કે તમારા ફોનની સ્ક્રીન પર શું ચાલી રહ્યું છે તેની જાણકારી મેળવી શકાય છે. સામાન્ય રીતે સ્ક્રીન શેરિંગ એપનો ઉપયોગ ફોન, ટેબલેટ એથવા તો લેપટોપને રિમોટલી ફિક્સ કરવા માટે ઉપયોગ કરવામાં આવે છે.
પરંતુ નવા ખુલાસામાં દાવો કરવામાં આવ્યો છે કે સ્ક્રીન શેરિંગ એપની મદદથી ઓનલાઈન ફ્રોડ થઈ શકે છે. જણાવી દઈએ કે હાલના સમયમાં Screen Share, AnyDesk અને TeamViewer જેવા સ્ક્રીન શેયરિંગ એપ ખૂબ જ પોપ્યુલર છે.
કેમ ન યુઝ કરવા જોઈએ સ્ક્રીન શેરિંગ એપ્સ?
સ્ક્રીન શેયરિંગ એપ્સ દ્વારા સ્કેમર્સ તમારા ડિવાઈસને કંટ્રોલ કરી શકે છે. તેની મદદથી તમારા એટીએમ અને ડેબિટ કાર્ડ ડિટેલની જાણકારી મેળવી શકે છે. સાથે જ ફોનમાં આવનાર ઓટીટી અને પૈસાની લેવડદેવડ પર નજર રાખી શકે છે.
બની શકે તો અનઈન્સ્ટોલ કરી દો આ એપ્સ
એવામાં ગુગલની તરફથી એલર્ટ કરવામાં આવ્યું છે કે ગુગલ પે યુઝર્સને થર્ડ પાર્ટી સ્ક્રીન શેયરિંગ એપને ડાઉનલોડ કે ઈન્સ્ટોલ કરવાથી બચવું જોઈએ. જો તમે ગુગલ પેથી પહેલા આ એપ્સનો ઉપયોગ કરો છો તો એક વખત જરૂર ચેક કરી લેવું જોઈએ કે સ્ક્રીન શેયરિંગ એપ સંપૂર્ણ રીતે બંધ થાય. ગુગલનું કહેવું છે કે જો જરૂરી નથી તો ગુગલ પે યુઝર્સને આ એપ્સને ફોનમાંથી તરત હટાવી લેવી જોઈએ.
