- ગુગલના CEO સુંદર પિચાઈએ શાંતિ મેળવવા એક ટ્રીક જણાવી
- ઉંઘ્યા બાદ જો રિફ્રેશ અનુભવતા નથી તો તેના માટે શું કરવુ?
- આ ટ્રીકને ફૉલો કરવાથી તમને જલ્દી ઉંઘ આવી જશે
જેને યોગ પસંદ નથી તેમના માટે છે આ ફાયદાકારક
એવામાં ગુગલ અને અલ્ફાબેટના સીઈઓ સુંદર પિચાઈએ એક ટ્રીક જણાવી છે, જેનાથી તમે થાક અનુભવશો નહીં. પિચાઈએ એક ઈન્ટરવ્યુમાં જણાવ્યું કે કેવીરીતે ઉંઘ્યા બાદ જો તમે પોતાને રિફ્રેશ ફીલ નથી કરી રહ્યાં તો તેના માટે શું કરવુ જોઈએ. સુંદર પિચાઈએ નૉનલ સ્લી રેસ્ટ ટેકનિક અંગે જણાવ્યું છે. તેમણે જણાવ્યું કે તેમને યોગ પસંદ નથી. એવામાં શાંતિ મેળવવા માટે આ ટેકનિક ખૂબ કામની છે. આ ટેકનિકનો ઉપયોગ સૂતા પહેલા કરવાથી ઉંઘ જલ્દી આવી જાય છે અને લગભગ 6 કલાક ઉંઘ્યા બાદ તમે પોતાને એકદમ રિફ્રેશ અનુભવશો. તમે જાતે જોયુ હશે કે અમુક લોકો 10 કલાકની ઉંઘ લીધા બાદ પણ પોતાને રિલેક્સ અનુભવતા નથી.
જાણો- શું છે NSDR ટેકનિક
આ ટેકનિકમાં તમારે જમીન પર આંખ બંધ કરીને ઉંઘવાનુ હોય છે. ત્યારબાદ તમારા શરીર અને હાથ અને પગને હળવા છોડી દો. ત્યારબાદ તમારે કોઈ એક વસ્તુ પર ધ્યાન કેન્દ્રીત કરવાનુ છે. આ દરમ્યાન તમે ખુલ્લા વાદળી આકાશ અને પછી અંધારા રૂમ વિશે વિચારી શકો છો. જ્યારે તમે આવુ વિચારશો તો એવા સમયે તમે શરીરના અલગ-અલગ ભાગમાં થતી સેન્સેશન પર ધ્યાન આપો. પિચાઈએ જણાવ્યું કે તે પોતાને શાંતિનો અનુભવ કરાવવા માટે આ પ્રકારની ટેકનિકને ફૉલો કરે છે. જે લોકોને ઉંઘ આવવામાં સમસ્યા થાય છે, તે પણ આ ટ્રીકને ફૉલો કરી શકે છે. જેને ફૉલો કરવાથી જલ્દી ઉંઘ આવી જાય છે અને આ સાથે સ્ટ્રેસ ઓછો થઇ જાય છે.
.jpg)
સુંદર પિચાઈનો ફિટનેસ મંત્ર
સુંદર પિચાઈએ જણાવ્યું કે તે દરરોજ 6 થી 7 કલાકની ઉંઘ લે છે, ત્યારબાદ તે સવારે 6 થી 7 વાગ્યાની વચ્ચે ઉઠી જાય છે. આ સિવાય તેઓ છેલ્લાં 15 વર્ષથી એક જ નાશ્તો કરી રહ્યાં છે. તેમના નાશ્તામાં એગ ટોસ્ટ અને ચા હોય છે. ઉલ્લેખનીય છે કે નાશ્તા દરમ્યાન પિચાઈને ન્યુઝ વાંચવા ખૂબ પસંદ છે.
