આ વર્ષે આઇપીએલની સિઝન પહેલા, દિલ્હી કેપિટલ્સ (DC) અને ક્રિકેટ પ્રેમીઓ માટે એક સારા સમાચાર આવી રહ્યા છે. દિલ્હી કેપિટલ્સ ટીમનો કેપ્ટન ઋષભ પંત IPL 2024 રમવા માટે તૈયાર છે. પંતને ફિટનેસ સર્ટિફિકેટ પણ મળી ગયું છે.
ફિટનેસ સર્ટિફિકેટ મળી ગયું હોવાની સુત્રોની ખબર
મહત્વપૂર્ણ છે કે તાજેતરમાં એવા સમાચાર આવ્યા હતા કે દિલ્હી કેપિટલ્સે ફિટનેશ સર્ટિફિકેટના અભાવે ઋષભ પંતને પોતાની ટીમમાં રાખ્યો નથી. મીડિયા રિપોર્ટ્સ અનુસાર, પંતને NCA તરફથી ફિટનેસ ક્લિયરન્સ નહોતું મળ્યું. દિલ્હીએ પંતનો ફિટનેસ રિપોર્ટ માંગ્યો હતો, પરંતુ ટીમ મેનેજમેન્ટને BCCI તરફથી કોઈ જવાબ મળ્યો નહોતો. પરંતુ હવે સૂત્રોએ જણાવ્યું છે કે રિષભ પંતને ફિટનેસ સર્ટિફિકેટ મળી ગયું છે. આવી સ્થિતિમાં તે IPLમાં દિલ્હી કેપિટલ્સની કેપ્ટનશિપ કરતો જોવા મળી શકે છે, જો કે હજુ સુધી આ મામલે સત્તાવાર ખબર સામે આવી નથી.. તમને જણાવી દઈએ કે IPLની નવી સિઝન 22 માર્ચથી શરૂ થવા જઇ રહી છે.
ઋષભ પંત હાલમાં IPL 2024ના કેટલાક શૂટ્સમાં વ્યસ્ત
તમને જણાવી દઈએ કે ઋષભ પંત હાલમાં IPL 2024ના કેટલાક શૂટ્સમાં વ્યસ્ત છે. આ પછી તે થોડા દિવસો માટે દિલ્હી પણ આવી શકે છે. IPL 2024ની સીઝનમાં દિલ્હીની ટીમે તેની શરૂઆતની મેચ વિશાખાપટ્ટનમમાં રમવાની છે. આવી સ્થિતિમાં ફિટનેસ સર્ટિફિકેટ મળ્યા બાદ પંત હવે વિઝાગ પહોંચીને ટીમમાં સામેલ થશે.
ટીમમાં કઇ ભૂમિકામાં હશે પંત ?
IPLમાં ઋષભ પંત કઈ ભૂમિકામાં જોવા મળશે? શું તે ટીમની કેપ્ટનશિપ કરતો જોવા મળશે કે પછી તે ખેલાડી તરીકે રમતા જોવા મળશે? આ પ્રશ્નોના હાલ કોઇ જવાબ મળી શક્યા નથી. પરંતુ સૂત્રોએ જણાવ્યું છે કે દિલ્હી ફ્રેન્ચાઇઝી રિષભ પંતની આંતરરાષ્ટ્રીય કારકિર્દીને ધ્યાનમાં રાખીને તેના પર કોઈ દબાણ નહીં કરે. પંતના વિકેટકીપર બેટ્સમેન તરીકે રમવાની કોઈ શક્યતા જણાતી નથી.
હજુ સુધી કોઈ સત્તાવાર નિવેદન આવ્યું નથી
જો કે, પંતની ભૂમિકા અને IPLમાં તેની વાપસી અંગે BCCI અને દિલ્હી ફ્રેન્ચાઈઝી તરફથી હજુ સુધી કોઈ સત્તાવાર નિવેદન આવ્યું નથી. દિલ્હીની ટીમ પોતાની પ્રથમ મેચ 23 માર્ચે પંજાબ કિંગ્સ સામે રમવાની છે. આ પછી 28મી માર્ચે રાજસ્થાન રોયલ્સ સામે મેચ રમશે
