મહત્વનો નિર્ણય / ગુજરાતના માછીમારો ગુડ ન્યુઝ: હોર્સ પાવર મુજબ ડીઝલના જથ્થામાં કરાયો વધારો, જાણો હવે કેટલા લીટરનો થશે ફાયદો

• રાજ્યના માછીમારો માટે સારા સમાચાર
• હોડીનો ડિઝલનો જથ્થો વધારાયો
• હોર્સ પાવર મુજબ વધાર્યો જથ્થો

Gujarat Fishermen News :ગુજરાતના માછીમારો માટે સારા સમાચાર સામે આવ્યા છે. વાત જાણે એમ છે કે, રાજ્ય સરકાર દ્વારા માછીમારોના હિતમાં એક મોટો નિર્ણય કરવામાં આવ્યો છે. જેને લઈ હવે માછીમારો માટે હોર્સ પાવર મુજબ ડીઝલના જથ્થામાં વધારો કરાયો છે. વિગતો મુજબ 20 સપ્ટેમ્બરથી માછીમારી માટે જતી હોડીઓને તેનો લાભ મળશે. 

ગુજરાત સરકાર દ્વારા માછીમારોને લઈ એક મોટો નિર્ણય કરવામાં આવ્યો છે. વિગતો મુજબ હવે 20 સપ્ટેમ્બરથી માછીમારોને વધારે ડીઝલ અપાશે. ઓછી લંબાઇ વાળી હોડીમાં ટ્રીપ વાઇઝ ડિઝલનો જથ્થો વધારાયો છે. જેમાં  હોર્સ પાવર મુજબ વધારો કરવામાં આવ્યો છે. મહત્વનું છે કે હવે, 1-44 હોર્સ પાવરમાં હવે 300 લીટર ડીઝલ અપાશે. 

પહેલા કેટલું આપવામાં આવતું હતું ડીઝલ ? 
સરકાર દ્વારા આ પહેલા માછીમારોને 1-44 હોર્ષ પાવરમાં 250 લીટર ડીઝલ અપાતું હતુ. જોકે હવે 1-44 હોર્સ પાવરમાં હવે 300 લીટર ડીઝલ અપાશે. આ સાથે 45-74 હોર્સ પાવરમાં 600 લીટર ડીઝલ અપાશે જે અગાઉ 500 લીટર ડીઝલ અપાતું હતું. આ સાથે 75-100 હોર્સ પાવરમા 4200 લીટર ડીઝલ અપાશે જે અગાઉ 4000 લીટર ડીઝલ અપાતું હતુ. આ તરફ 101 થી વધુ હોર્સ પાવરમાં હવે 4200 લીટર મળશે જે અગાઉ 4000 લીટર ડીઝલ મળતુ હતું.