પ્રગતિશીલ ખેડૂત / ગોંડલના ખેડૂતે સૂર્યપ્રકાશ, માટી કે પાણી વગર કરી કશ્મીરી કેસરની ખેતી, બજાર કિંમત સાંભળી આંખો ફાટી જશે, નવલોહિયાઓને આપી જાદુઇ ટિપ્સ

• ગોંડલનાં યુવા પ્રગતિશીલ ખેડૂતે કરી કશ્મીરી કેસરની ખેતી
• બ્રિજેશભાઈ કાલરીયાએ સૂર્યપ્રકાશ, માટી કે પાણી વગર કરી ખેતી
• યુટ્યુબ પર ખેતીનાં નવા નવા વીડિયો જોઈ ખેતી વિશે જાણવા મળ્યું

 5 થી 6 લાખ રૂપિયા પ્રતી કિલો કેસર બજારમાં વેંચતા હોય છે. ત્યારે ગોંડલના ખેડૂત બ્રિજેશભાઈ એ એક 15x15 ફુટ ના બંધ એવા કોલ્ડ રૂમમાંએ પણ માટી પાણી કે સુર્યપ્રકાશ વગર ઉચ્ચ ગુણવતા યુક્ત કેસર ઉગાડયું છે. જે કેસરનું બિયારણ પણ પોતે કાશ્મીરથી લઇ નિયંત્રીત વાતાવરણમાં (ઠંડક-ભેજ) જરૂરીયાત પ્રમાણે વધઘટ કરવામાં આવે છે. જરૂર જણાય તો અલગ-અલગ પ્રકારની લાઈટો દ્વારા ફકત અને ફક્ત પ્લાસ્ટીક અથવા તો લાકડાની ટ્રેમાં કેસરનું બિયારણ મુકી અને કાશ્મીરી કેસર ઉગાડવામાં બ્રિજેશભાઈ એ સૌ પ્રથમ સફળતા મેળવી છે.

બ્રિજેશભાઈએ જણાવ્યું હતું કે જો નવયુવાનો ચોકકસ ધ્યેય અને પ્લાનીંગ સાથે ખેતીમાં આગળ વધે તો ખેતી ક્ષેત્રે ચોકકસ પણે સફળતા મેળવી સારી આવક પણ મેળવી શકે છે. અને યુવાનોએ આ દિશામાં પરંપરાગત ખેતી છોડી અને એડવાન્સ ફાર્મીંગ, સ્માર્ટ ફાર્મીંગ, અર્બન ફાર્મીંગ,ઓર્ગેનીક ફાર્મીગ કે ગાય આધારીત ખેતી જેવા ખેતીના વિષયો સાથે આગળ વધવું પડશે. તેઓને ખેતી વિશેષ અભ્યાસ ન હતો. પરંતુ પોતાનો ખેતી સાથેનો લગાવ અને એક જીદ હતી કે ખેતીમાં કંઈક અલગ ઉત્પાદન કરી અને આવક મેળવવી એવો દ્રઢ સંકલ્પ કરેલો હતો.

યુટ્યુબ પર વિડીયો જોઈ ખેતી વિશે જાણવા મળ્યુંઃબ્રિજેશભાઈ
પોતે કોરોના કાળના લોકડાઉન સમયમાં ઘર પર જયારે ખેતીનાં નવા નવા વિષયો ઉપર યુટ્યુબ પર વિડીયો જોઈ ખેતી વિશે જાણવા મળ્યું કે આ પ્રકારની ખેતી પણ થઈ શકે છે. અને ત્યારથી બ્રિજેશભાઈનાં મનમાં કેસરની ખેતી કરવાનો વિચાર આવ્યો. સામાન્ય રીતે કેસરની ખેતીમાં વર્ષમાં એકજ વખત ફલ્લાવરીંગ આવે છે. પરંતુ બ્રિજેશભાઈ વર્ષમાં બે થી ત્રણ વખત ફલ્લાવરીંગ કઈ રીતે લઈ શકાય તેના પર પણ કામ કરી રહ્યા છે.