ગીર સોમનાથમાં ગઈ કાલે દરિયા કિનારે દોઢ વર્ષની બાળકી સાથે એક શંકાસ્પદ યુવક ઝડપાયો હતો જે બાળકીના પિતા હોવાનું રટણ કરી રહ્યો હતો જેમાં મોટો ઘટસ્ફોટ થયો છે. આરોપી યુવકે બાળકીનું અપહરણ કર્યું હોવાનું ભાંડો ફુટ્યો છે.
Share
સમુદ્ર કિનારેથી બાળકી મળવાનો મામલો
ભિક્ષાવૃત્તિ માટે બાળકીનું કરાયું હતું અપહરણ
પોલીસ તપાસમાં યુવકનો ફૂટ્યો ભાંડો
ગીરસોમનાથ દોઢ વર્ષની માસુમ બાળકી શંકાસ્પદ યુવક સાથે મળી આવી હતી..જેને લઈને મોટો ઘટસ્ફોટ થયો છે. ગઈ કાલે દરિયા કિનારે દોઢ વર્ષની બાળકી સાથે એક શંકાસ્પદ યુવક ઝડપાયો હતો. શંકાસ્પદ યુવક દરિયા કિનારે બાળકીને માર મારી રહ્યો હતો. માર મારી રહેલ પરપ્રાંતિય યુવકના સકંજામાંથી પોલીસે બાળકીને બચાવી હતી યુવક બાળકીનો પિતા હોવાનું રટણ કરી રહ્યો હતો.
ભિક્ષાવૃત્તિ માટે બાળકીનું કરાયું હતું અપહરણ
જો કે પોલીસે માસુમ બાળકીના માતા પિતાની ઓળખ માટે તપાસ કરતા મોટો ખુલાસો થયો છે. યુવકે બાળકીનું અપહરણ કર્યું હોવાનું સામે આવ્યું છે, પોલીસ પુછપરછમાં આરોપી યુવકે બાળકીનું અપહરણની કર્યું હોવાનું કબુલાત કરી છે, 22 ઓકટોબરે નાગપુર રેલવે સ્ટેશનથી બાળકીનું અપહરણ કર્યુ હતું, પોલીસ પૂછપરછમાં બાળકીનું ભિક્ષાવૃત્તિ માટે અપહરણ કરાયું હોવાનું સામે આવ્યું છે.
પોલીસ તપાસમાં યુવકનો ફૂટ્યો ભાંડો
સમગ્ર મામલે ગીર સોમનાથ પોલીસ દ્વારા નાગપુર પોલીસને જાણ કરાતા બાળકીના માતા પિતા સોમનાથ આવવા રવાના થયા છે.બાળકીના અપહરણ બાદ યુવક ગુજરાતના સતાધાર, સોમનાથ જેવા ધાર્મિક સ્થળો પર ફર્યો હતો. આરોપી યુવક દિવસ દરમિયાન બાળકી ને સાથે રાખી ભિક્ષાવૃત્તિ કરતો તેમજ અન્નક્ષેત્રમાં જમતો અને રાત્રિના સમયે ફુટપાથ પર સુઈ જતો હતો..
આરોપી યુવક પોતે પિતા હોવાનુ કરી રહ્યો હતો રટણ
અપહરણ કરનાર યુવક મહારાષ્ટ્રનો રહેવાસી છે અને આરોપી યુવક અનેક ગુન્હામાં સંડોવાયેલો હોવાનું સામે આવ્યું છે. મહત્વનું છે કે ગીર સોમનાથની પોલીસની સતર્કતાને કારણે નાની ફુલ જેવી બાળકીની જીંદગી નર્ક સમાન બનતી અટકી ગઈ, પોલીસની આ કામગીરીના સૌ કોઈ વખાણ કરી રહ્યું છે અને પોલીસની કામગીરીને બિરદાવી રહ્યા છે.
