ચોંકાવનારૂ / મોબાઈલમાં કલાકો સુધી વાતો કરનારનું આવી બન્યું, થાય છે જીવલેણ બીમારી, રિસર્ચમાં ચોંકાવનારો ખુલાસો

• યુરોપિયન હાર્ટ જર્નલ ડિજિટલ હેલ્થનો રિપોર્ટ
• અઠવાડિયામાં 30 મિનિટ કે તેથી વધુ સ્માર્ટફોનમાં વાત કરવાથી બ્લડ પ્રેશરનું જોખમ
• 30 થી 79 વર્ષ લગભગ 1.3 અબજ લોકોને હાઈબ્લડ પ્રેશરની બીમારી

અઠવાડિયામાં 30 મિનિટ કે તેથી વધુ સમય સુધી સ્માર્ટફોનનો ઉપયોગ કરવાથી બ્લડ પ્રેશર અથવા હાઇપરટેન્શન સહિતની જીવલેણ બીમારીનું જોખમ 12 ટકા વધી જાય છે. આવું યુરોપિયન સોસાયટી ઓફ કાર્ડિયોલોજી ના જર્નલ, યુરોપિયન હાર્ટ જર્નલ ડિજિટલ હેલ્થના નવા સંશોધનમાં સામે આવ્યુ છે. રિપોર્ટમાં સામે આવેલ માહિતી વિષે સદર્ન મેડિકલ યુનિવર્સિટીના લેખક પ્રોફેસર જિયાનહુઇ કિને કહ્યું હતું કે લોકો મોબાઇલ ફોનમાં સતત વાત કરતા હોય છે. ત્યારે મોબાઈલ પરની આ વાત ખાસ હૃદયના સ્વાસ્થ્ય માટે મહત્વપૂર્ણ છે. લાંબા સમય સુધી ફોનમાં વાતો કરવા કરવાનો સીધો મતલબ એવું છે કે તે હૃદયને વધુ નુકસાન કરે છે.

વિશ્વભરમાં 30 થી 79 વર્ષ લગભગ 1.3 અબજ લોકોને હાઈબ્લડ પ્રેશરની બીમારી
મોબાઈલથી થતા નુકસાનની સાથે સાથે અનેક ચોંકાવનારા તારણો પણ સામે આવ્યા છે. જેમાં  વિશ્વની લગભગ ત્રણ ચતુર્થાંશ વસ્તી 10 વર્ષથી વધુની ઉંમર ધરાવે છે જે લોકોં પાસે મોબાઈલ છે.  સાથે સાથે ચોંકાવનારી વાત એ છે કે વિશ્વભરમાં 30 થી 79 વર્ષ લગભગ 1.3 અબજ લોકો હાઈબ્લડ પ્રેશરની બીમારી સામે ઝઝૂમી રહ્યા છે. સાથે સાથે હાઈ બ્લડ પ્રેશરએ હાર્ટ એટેક અને સ્ટ્રોકનું મોટું કારણ છે. 

મોબાઈલનો પ્રભાવ પુરુષો અને સ્ત્રીઓ બંનેમાં એક સમાન

સ્ટડી માંથી નીકળેલા નિચોડ મુજબ જે લોકો સપ્તાહમાં એક વખત મોબાઈલ ફોન ને થી વાત કરે છે તેમનામાં હાઇપર ટેન્શનનું જોખમ 7% જોવા મળી રહ્યું છે. જેની સંખ્યા 13,984 હતી. બીજી બાજુ અભ્યાસમાં સામે આવ્યું છે કે દર અઠવાડિયે 30 કે તેથી વધુ મિનિટ મોબાઇલ ફોનમાં વાત કરનાર લોકોમાં હાઈપરટેન્શનનું જોખમ 12 ટકા સુધી પહોંચી શકે છે. તેમનામાં હાઈ બ્લડ પ્રેશરના કેસ પણ ચિંતાજનક રીતે વધે છે. અહીં મહત્વની વાત એ પણ છે કે મોબાઇલ ફોનના ઉપયોગની પુરુષો અને સ્ત્રીઓ બંનેમાં સમાન જોવા મળે છે.