દૂર્ઘટના / સુરતમાં મિલની ટાંકી સાફ કરવા ઉતરેલા ચાર શ્રમિકોનું ગૂંગળામણના લીધે નિધન: ટેમ્પોમાં લઈ જવાયા મૃતદેહ

• સુરતમાં ચાર શ્રમિકોનું ગૂંગળામણથી મોત
• કિરણ ઇન્ડસ્ટ્રીઝમાં 4 શ્રમિકનાં ગૂંગળામણથી મોત
• ટેમ્પોમાં મૃતદેહ લઈ જવાતા લોકોમાં રોષ

સુરતના પલાસણામાં નવા વર્ષના દિવસે મોટી દુર્ઘટના ઘટી છે. પલાસણા-કડોદરા રોડ પર બલેશ્વર ગામની સિમમાં કિરણ ઇન્ડસ્ટ્રીઝમાં 4 શ્રમિકનાં ગૂંગળામણને કારણે મોત નીપજ્યાં હતાં. પાપ્ત વિગતો મુજબ 20 ફૂટ ઉંડી ટાંકીની સાફ સફાઈ કરવા ઉતરેલા ચાર કામદારોનું ગુગળામણના કારણે મોત થયું હતું. 

ટેમ્પોમાં લઈ જવાયા મૃતદેહ
જે સમગ્ર ઘટનાની જાણ ફાયર વિભાગને કરતા ફાયર વિભાગની ટીમ ઘટનાસ્થળે પહોંચી તમામ કામદારોના મૃતદેહોને ટાંકીમાંથી બહાર કાઢ્યા હતા. તેમજ તમામ કામદારોના મૃતદેહોને પોસ્ટમોર્ટમ અર્થ સિવિલ હોસ્પિટલ ખાતે ખસેડવામાં આવ્યા હતા. અત્રે ઉલ્લેખનીય છે કે, તંત્ર દ્વારા આ મૃતદેહોને સબવાહિની કે એમ્બ્યુલેશમાં લાવવાના બદલે ટેમ્પોમાં લાવવામા આવ્યા હતાં. જો કે, આ પગલે લોકોમાં પણ તંત્ર પ્રત્યે ફિટકારી વ્યાપી છે. 

સફાઈ કરવા કામદારો ટાંકીમાં ઉતર્યા હતા
પાપ્ત માહિતી મુજબ આ કિરણ ઇન્ડસ્ટ્રીઝમાં કપડાનું કલર કામ કરવામાં આવે છે. જેના માટે તેના કલરવાળા પાણીનું રિસાઈકલ કરવામાં આવતું હતું જેના માટે તે પાણી ટાંકીમાં ભરવામાં આવતું હતું. ટાંકીમાં કચરો વધુ જમા થઈ જતા શ્રમિકો આ ટાંકી સાફ કરવા માટે ટાંકીમાં ઉતર્યા હતા.