લક્ષ્મીજી અવતર્યા / ક્રિકેટર યુવરાજસિંહના ઘરે દીકરીનો જન્મ, નામ રાખ્યું aura, જાણો તેનો મતલબ

• ક્રિકેટર યુવરાજ સિંહના ઘરે દીકરીનો જન્મ થયો
• પૂર્વ ક્રિકેટર યુવરાજ સિંહ બીજી વખત પિતા બન્યા 
• આ દંપતિએ દીકરીનું નામ ઓરા રાખ્યું છે

પૂર્વ ક્રિકેટર યુવરાજ સિંહ બીજી વખત પિતા બન્યા છે. તેની પત્ની હેઝલ કીચે પુત્રીને જન્મ આપ્યો છે. દિગ્ગજ ક્રિકેટરે સોશિયલ મીડિયા પર એક પોસ્ટ લખીને તેના ચાહકોને આ માહિતી આપી છે. યુવરાજે ટ્વીટ કરીને જણાવ્યું કે તેમના ઘરે એક બાળકીનો જન્મ થયો છે અને પિતા બની ગયો છે. આ દંપતિએ દીકરીનું નામ ઓરા રાખ્યું છે. 

Sleepless nights have become a lot more joyful as we welcome our little princess Aura and complete our family ❤️ @hazelkeech pic.twitter.com/wHxsJuNujY

— Yuvraj Singh (@YUVSTRONG12) August 25, 2023

ઓરાનો અર્થ 

ઓરા નામનો અર્થ થાય છે કે તે વ્યક્તિ કે જેમાં આવા વિશિષ્ટ ગુણો હોય જે તેના અલગ થવાની અનુભૂતિ કરાવે. તેનો વધુ એક અર્થ પ્રભામંડળ પણ થાય છે.

 

 

 

 

View this post on Instagram

 

 

 

 

 

 

 

 

 

 

 

A post shared by Yuvraj Singh (@yuvisofficial)

યુવરાજ સિંહ બીજી વખત પિતા બન્યો છે

યુવરાજ સિંહે તેની પત્ની હેઝલ કીચ સાથેનો એક ફોટો સોશિયલ મીડિયા પર શેર કર્યો છે. આ ફોટોમાં બંને પોતાના બાળકો સાથે જોવા મળી રહ્યા છે. પહેલા યુવરાજ સિંહ જાન્યુઆરી 2022માં એક પુત્રનો પિતા બન્યો હતો.

2019માં આંતરરાષ્ટ્રીય ક્રિકેટમાંથી નિવૃત્તિ લીધી

યુવરાજ સિંહે 10 જૂન 2019ના રોજ આંતરરાષ્ટ્રીય ક્રિકેટમાંથી નિવૃત્તિ લીધી હતી. યુવરાજ સિંહ ભારતની બે વર્લ્ડ ચેમ્પિયન ટીમનો ભાગ હતો અને બંને ટુર્નામેન્ટમાં તેના પ્રદર્શનથી તેણે ખાસ છાપ ઉભી કરી હતી. યુવરાજે તેની આંતરરાષ્ટ્રીય કારકિર્દીમાં 40 ટેસ્ટ, 304 વનડે અને 58 ટી-20 રમી છે. યુવીના 40 ટેસ્ટની 62 ઇનિંગ્સમાં કુલ 1900 રન છે, વનડે કરિયરની વાત કરીએ તો યુવરાજે 278 ઇનિંગ્સમાં કુલ 8701 રન બનાવ્યા છે. જ્યારે 58 T20I માં 1177 રન બનાવ્યા. તેણે ટેસ્ટમાં કુલ 9 વિકેટ, વનડેમાં 111 અને T20માં 28 વિકેટ લીધી છે.