- પૂર્વ જસ્ટિસ અબ્દુલ નઝીર બન્યા રાજપાલ
- આંધ્રપ્રદેશ રાજ્યના રાજ્યપાલ બનાવાયા
- રામ મંદિર કેસનો આપ્યો હતો મહત્વનો ચુકાદો
રાષ્ટ્રપતિ દ્રૌપદી મુર્મુએ આજે પૂર્વ જસ્ટિસ અબ્દુલ નઝીર ને રાજ્યપાલ તરીકે નિયુક્ત કર્યા છે. મહત્વનું છે કે પૂર્વ જસ્ટિસ અબ્દુલ નઝીરએ અયોધ્યાના રામ મંદિર મામલે મહત્વનો ચુકાદો આપ્યો હતો. હાલ તો તેમને આંધ્રપ્રદેશના રાજ્યપાલ તરીકે નિયુક્તિ રાષ્ટ્રપતિએ કરી છે.
અબ્દુલ નઝીરને રાજ્યપાલ તરીકે નિયુક્ત કર્યા
અયોધ્યા રામ મંદિરને લઈને મહત્વનો ચૂકાદો આપનારા પૂર્વ જસ્ટિસ અબ્દુલ નાઝીરને આંધ્રપ્રદેશના રાજ્યપાલ બનાવ્યા પહેલા ઘણી ચર્ચા કરવામાં આવી હતી. પૂર્વ જસ્ટિસ આ વર્ષના તા. 4 જાન્યુઆરીના રોજ નિવૃત થયા હતા. તે સમયે પણ CJI DY ચંદ્રચુડે પૂર્વ જસ્ટિસના સાદગીના પણ વખાણ કરી ચુક્યા છે. તેમણે વધુમાં જણાવ્યું હતું કે વર્ષ 2019 સુધી તો પૂર્વ જસ્ટિસ પાસે પાસપોર્ટ પણ ન હતો.મહત્વનું છે કે ભાજપના નેતાઓ અને પૂર્વ જજ અબ્દુલ નઝીર સહિત 6 નવા ચહેરાઓને રાજ્યપાલ બનાવાયા છે. પૂર્વ ન્યાયાધીશ નઝીર સુપ્રીમ કોર્ટની બેંચના સભ્ય હતા. વધુમાં મહારાષ્ટ્રના રાજ્યપાલ ભગત સિંહ કોશ્યરી અને લદ્દાખના લેફ્ટનન્ટ ગવર્નર આરકે માથુરના રાજીનામાનો સ્વીકાર કરવામાં આવ્યો છે.
12 મેં 2003ના રોજ એડિશનલ જજ તરીકે નિમણુક થઈ હતી
પૂર્વ જસ્ટિસ નઝીરજીનો જન્મ 5 જાન્યુઆરી 1958ના રોજ થયો હતો. તેઓ 18 ફેબ્રુઆરી 1983ના રોજ વકીલાત તરીકે દાખલ થયા હતા. તેમણે કર્ણાટક હાઇકોર્ટમાં પ્રેક્ટિસ કરી હતી. ત્યારબાદ તેમની હાઈકોર્ટના એડિશનલ જજ તરીકે 12 મેં 2003ના રોજ નિમણુક કરવામાં આવી હતી.પૂર્વ જજ અબ્દુલ નઝીર ઉપરાંત ભાજપના ચાર નેતાઓ સહિત કુલ 6 નવા ચહેરાઓને રાજ્યપાલ બનાવાય છે. મહત્વનું છે કે અયોધ્યા રામ મંદિર કેસમાં ચુકાદો આપનારી સુપ્રીમ કોર્ટની બેચના પૂર્વ ન્યાયાધીશ નઝીર સભ્ય પણ રહી ચૂક્યા છે.
