કવાયત / અમદાવાદના રિવરફ્રન્ટ પર આ તારીખથી શરૂ કરાશે ફ્લાવર શો, રૂ. 5.45 કરોડના ખર્ચે તૈયાર કરાશે SOU, સૂર્ય મંદિર સહિતના 33 સ્કલ્પચર

• રિવરફ્રન્ટ ખાતે 1 જાન્યુઆરીથી ફ્લાવર શૉ 
• અમદાવાદ મનપાએ બહાર પાડ્યું ટેન્ડર 
• 5.45 કરોડના ખર્ચે 33 સ્કલ્પચર બનાવાશે 
• SOU, સૂર્ય મંદિર, સંસદ ભવનના સ્કલ્પચર
• સૂર્ય મંદિરનું 5 મીટર ઉંચુ સ્કલ્પચર બનાવાશે

Ahmedabad Flower Show 2024 : અમદાવાદના રિવરફ્રન્ટ ખાતે દર વર્ષે યોજાતા ફ્લાવર શૉ ને લઈ મોટા સમાચાર સામે આવ્યા છે. અમદાવાદના રિવરફ્રન્ટ ખાતે 1 જાન્યુઆરીથી ફ્લાવર શૉ શરૂ થશે. આ તરફ હવે અમદાવાદ મનપાએ સ્કલ્પચર બનાવવા ટેન્ડર બહાર પાડ્યું છે. મહત્વનું છે કે, આ વખતે ફ્લાવર શૉમાં 5.45 કરોડના ખર્ચે 33 સ્કલ્પચર બનાવાશે. 

અમદાવાદની સાબરમતી નદીના કિનારે આવેલ રિવરફ્રન્ટ ખાતે દર વર્ષે 1 જાન્યુઆરીથી ફ્લાવર શૉ યોજાય છે. જેને લઈ મોટી સંખ્યામાં લોકો આ ફ્લાવર શૉ જોવા અહીં ઉમટી પડે છે. આ વર્ષે SOU, સૂર્ય મંદિર, સંસદ ભવન સહિતના સ્કલ્પચર તૈયાર કરાશે. મોઢેરા સૂર્ય મંદિરનું 5 મીટર ઉંચુ સ્કલ્પચર બનાવવા પાછળ 43 લાખનો ખર્ચ થશે.

આ સાથે ચંદ્રયાન -3, GSLV MK 3 રોકેટ, વડનગરના કિર્તિ તોરણનું સ્કલ્પચર પણ બનાવાશે. આ તમામ સ્કલ્પચર 5.45 કરોડના ખર્ચે બનશે જે માટે અમદાવાદ મનપાએ ટેન્ડર બહાર પાડ્યું છે.