દુ:ખદ / બાપ રે! સુરતમાં એક જ દિવસમાં પાંચ વ્યક્તિઓએ જીવન ટૂંકાવ્યું, કારણો ચોંકાવનારા

• સુરત શહેરમાં આપધાતના કિસ્સામાં વધારો
• એક દિવસમાં 5 લોકોએ જીવન ટુંકાવ્યુ
• બે વ્યક્તિઓ બિમારીથી કંટાળીને આત્મહત્યા
• એક વ્યક્તિએ નોકરી છૂટી જવાથી કરી આત્મહત્યા

સુરતમાં આપઘાતનાં કિસ્સાઓમાં ચોંકાવનારો વધારો થયો હોય તેવી સ્થિતિ બની છે. વાત જાણે એમ છે કે, સુરત શહેરમાં એક જ દિવસમાં પાંચ વ્યક્તિઓએ જીવન ટૂંકાવી દીધું છે. આ તમામ લોકોએ કોઈને કોઈ કારણ આત્મહત્યા કરી લેતા ચકચાર મચી ગઈ છે. મહત્વનું છે કે, આ બનાવો સુરત શહેરનાં જકાતનાકા, રામપુર, સચિન અને ડીંડોલી વિસ્તારમાંથી સામે આવ્યા છે. 

ડાયમંડ નગરી સુરતમાં એક જ દિવસમાં 5 વ્યક્તિઓએ આત્મહત્યા કરી લીધી છે. માહિતી મુજબ સુરતમાં જકાતનાકા વિસ્તારમાં બે લોકોએ આપધાત કરી લીધો છે. જેમાં પેટની તકલીફના કારણે હેમાબેન ભંડેરીએ કંટાળીને જીવન ટૂંકાવી દીધું છે. આ સાથે આ જ વિસ્તારમાં હિરાના વ્યવસાય સાથે જોડાયેલા ભૌતિક નાકરાણીનો પણ આપધાત કરી લીધો છે. 

આ સાથે સુરતના રામપુરામાં બળવંતભાઈ દિલ્લીવાળાએ આપધાત કરી લીધો છે. વિગતો મુજબ માનસિક બિમારીથી પીડાતા બળવંતભાઈએ ગળે ફાંસો ખાઈ જીવન ટૂંકાવી લીધું હતું. આ તરફ સુરતનાં સચિન વિસ્તારમાં નોકરી છૂટી જવાથી રૂપેશ નામના વ્યક્તિએ મોતને વ્હાલું કર્યું છે. તો ડીંડોલી વિસ્તારમાં એક અજાણ્યા ઈસમે ફાંસો ખાઈ આત્મહત્યા કરી છે. જેમાં ખુલ્લા ખેતરમાં ફાંસો ખાધેલી હાલતમાં લાશ મળી આવી છે.