દુઃખદ / દિલ્હીમાં બ્લેક ફંગસથી પહેલુ મોત, 37 વર્ષીય દર્દીએ ગુમાવ્યો જીવ

• બ્લેક ફંગસથી દિલ્હીમાં પહેલુ મોત 
• કોરોના બાદ થાય છે બ્લેક ફંગસ 
• આંખોને થાય છે સૌથી વધુ નુકસાન 

બ્લેક ફંગસનો ઇલાજ પણ ખુબ મોંઘો થાય છે. હાલમાં જ દેશની રાજધાની દિલ્હીમાં બ્લેક ફંગસથી એક વ્યક્તિનું મોત નિપજ્યુ છે. આ બિમારીનો શિકાર થયેલા એક શખ્સનું મૂળચંદ હોસ્પિટલમાં મોત નિપજ્યુ છે. 

હોસ્પિટલના ડૉક્ટરે આ વિશે વિસ્તૃત માહીતી આપી છે. મેરઠના 37 વર્શના એક વ્યક્તિનો ત્યાં ઇલાજ ચાલી રહ્યો હતો અને હવે તેણે કોરોના અને બ્લેક ફંગસના કારણે દમ તોડી દીધો છે. 

આંખો લાલ અને ચહેર પર સોજો 
મિડીયા રિપોર્ટ અનુસાર ડૉક્ટરે કહ્યું કે 16 મેના રોજ આ પેશન્ટને અહીં  લાવવામાં આવ્યો તો અને તેની આંખો લાલ હતી તેના નાકમાંથી લોહી નીકળી રહ્યું હતુ. તેના બધા જ ટેસ્ટ થયા અને રિપોર્ટ આવ્યો તો તેને બ્લેક ફંગસનો રોગ થયો હતો. બાદમાં તેની સર્જરી થઇ હતી અને તેના બાદ તેને કાર્ડિયક એટેક આવ્યો હતો જેમાં તેણે પોતાનો જીવ ગુમાવ્યો હતો. જે કોરોના પેશન્ટને વધારે માત્રામાં દવા આપવામાં આવે છે તેને આ રોગ થવાની સંભાવના રહે છે. ખાસ કરીને શુગરના પેશન્ટને આ રોગ થઇ શકે છે.  

તમને જણાવી દઇએ કે દિલ્હીમાં પણ મ્યૂકરમાઇકોસિસના મામલા સામે આવી રહ્યાં છે. સૂત્રો દ્વારા મળેલી જાણકારી અનુસાર એમ્સમાં 75-80 કેસ, મેક્સ હોસ્પિટલમાં 50 અને ઇન્દ્રપસ્થ અપોલો હોસ્પિટલમાં 10 કેસ સામે આવ્યા છે. 

કમજોર ઇમ્યૂનિટીના લોકોને કરે છે પ્રભાવ 
આ સંક્રમણ મગજ, ફેફસા અને સાઇનસને પ્રભાવિત કરે છે. મધુપ્રમેહના રોગીઓ તેમજ કમજોર ઇમ્યૂનીટીના લોકો માટે જીવલેણ થઇ શકે છે. ઇન્દ્રપ્રસ્થ અપોલો હોસ્પિટલના ઇએનટી રોગ ચિકિત્સક ડૉક્ટર સુરેશ સિંહે કહ્યું કે યકૃત રોગ, મધુપ્રમેહ, વૃદ્ધાવસ્થા, જેવા રોગીઓને સ્ટીરોઇડ આપવામાં આવે છે જેના કારણે તેમની ઇમ્યૂનીટી ઘટી જાય છે. 

કોવિડ19ના દર્દીઓને આ રોગ થવાની સંભાવના રહે છે જ્યારે બ્લેક ફંગસથી મૃત્યુદર 75 ટકા છે. તેમણે કહ્યું કે મ્યૂકરમાઇકોસિસના ઇલાજમાં ઉપયોગ થનારી દવાઓના ગંભીર સાઇડ ઇફેક્ટ છે અને તેના કારણે શરીરમાં અન્ય સમસ્યા થાય છે.