- યુવરાજસિંહની ધરપકડ મામલે ઈસુદાન ગઢવીની પ્રતિક્રિયા
- 40 લાખ ક્યાંથી આવ્યા તેની કોઈ તપાસ થઈ નથીઃઈસુદાન ગઢવી
- મંત્રીઓને સમન્સ મોકલવામાં આવ્યા નથીઃ ઈસુદાન ગઢવી
આ બાબતે આમ આદમી પાર્ટીનાં ઈસુદાન ગઢવીએ જણાવ્યું હતું કે યુવાનોનો અવાજ બનીને ગુજરાતમાં કેટલાય પેપર લીંક કાંડનાં ખુલાસા બહાર પાડનાર યુવરાજસિંહની ધરપકડનાં ભણકારા વાગી રહ્યા છે. કલાકો સુધી ભાવનગર પોલીસે પૂછપરછ કર્યા બાદ જે રીતે અત્યારે સમાચાર મળી રહ્યા છે. તે પ્રમાણે તેની ઉપર FIR કરવાનો જે આખું ષડયંત્ર રચાયું છે. બઉં નવાઈ લાગે છે પેપર લીંક કોણે કર્યા?, એનાં મોટા માથા અત્યાર સુધી પકડાયા નથી. ડમી કાંડમાં કોણ સંડોવાયેલું છે તેમાં પણ મોટા માથા પકડાયા નથી. પીએસઆઈ 40-40 લાખ રૂપિયા આપીને ડમી કાંડમાં ટ્રેનિગમાં પહોંચી ગયા. એ 40 લાખ ક્યાંથી આવ્યા તેની કોઈ તપાસ થઈ નથી.
આખા ગુજરાતનાં યુવાનોમાં એક રોષ જોવા મળ્યો છેઃઈસુદાન ગઢવી
અત્યાર સુધીનો રેકોર્ડ રહ્યો છે કે જેટલા પણ પેપરલીંક થયા છે. એનાં ખુલાસાઓ યુવરાજસિંહે કર્યા હતા. ત્યારે યુવરાજસિંહની સામે ખૂબ મોટી શક્તિઓ નારાજ હોય તે સ્વાભાવિક છે. કારણ કે કરોડો, અબજોનો આ વેપલો હતો પેપરલીંકનો. અને એમાં ડમી કાંડ તમે જોવો કે કેટલાક સીલસીલા બંધ ખુલાસાઓ યુવરાજસિંહે કર્યા પછી સ્વીકાર્યું કે ડમી કાંડ થયા છે. પરંતું જે રીતે અત્યારે યુવરાજસિંહ સામે ફરિયાદ નોંધવાની તજવીજ હાથ ધરાઈ છે. તે રીતે આખા ગુજરાતનાં યુવાનોમાં એક રોષ જોવા મળ્યો છે. યુવાનોનાં અવાજને દબાવવાનો એક ષડયંત્ર રહ્યું છે. આ 156 ની સરકારનો આ એક પહેલી ગીફ્ટ છે.
નિવૃત ન્યાયાધીશ હાઈકોર્ટનાં એની અધ્યક્ષતામાં સીટની રચના કરી તેની તપાસ કરાવોઃઈસુદાન ગઢવી
હવે કદાચ યુવરાજસિંહને જેલમાં નાંખી દે અથવા તો તેને ધરપકડ કરી ડરાવી ધમકાવી દે. એટલે બીજી વખત કોઈ પેપરલીંક કાંડ બહાર ન આવે. આ 156 ની ગીફ્ટ છે. જે મંત્રીઓ સામે આક્ષેપ થયા. જેઓ હોદ્દા પર હતા તેમની તો પૂછપરછ પણ નથી થઈ. જો તમારે ચોખ્ખી શુદ્ધ તપાસ કરવી હોય તો અમે પણ સ્વીકારીશું. નિવૃત ન્યાયાધીશ હાઈકોર્ટનાં એની અધ્યક્ષતામાં સીટની રચના કરી તેની તપાસ કરાવો. પરંતું મને લાગે છે કે પોલીસથી જ કરાવશે. ત્યારે સ્વાભાવિક છે કે પોલીસ ઉપર હંમેશા રાજકીય દબાણ રહેતું હોય છે. એટલે મારે દુઃખ સાથે કહેવું પડે છે કે યુવરાજસિંહ જે લાખો યુવાનો માટે લડતા હતા. એનો અવાજ દબાવી દેવા માટે પ્રયાસ થઈ રહ્યા હોય.
