- રાજકોટ-જેતપૂર મહિલા પોલીસ કોન્સટેબલની આત્મહત્યાનો કેસ
- મૃતક પોલીસકર્મીના પરિવારજનોએ નોંધાવી ફરિયાદ
- જેતપૂર પોલીસ સ્ટેશનમાં નોંધાવી ફરિયાદ
રાજકોટ-જેતપુર મહિલા પોલીસ કોન્સ્ટેબલની આત્મહત્યા કેસ મામલે મૃતક યુવતીનાં પરિવારજનોએ પોલીસ કર્મી વિરૂદ્ધ ફરિયાદ નોંધાવી છે. મૃતકનાં પરિવારજનો દ્વારા અભયરાજસિંહ ઉર્ફે કુલદિપ જાડેજા સામે ફરિયાદ આપી છે. જેતપુર પોલીસ સ્ટેશનમાં ફરિયાદ નોંધાવી છે. મૃતક પોલીસ કોન્સ્ટેબલ સાથે અંતિમ સમય સુધી અભયરાજસિંહ નામનો પોલીસ કોન્સ્ટેલ સંપર્કમાં હતા. તેની સાથેની વોટ્સઅપ ચેટ પણ સામે આવી હતી. મૃતક પોલીસ કોન્સ્ટેબલનાં પિતાએ પોલીસને ફરિયાદ આપી છે.
મારી દિકરીને ન્યાય મળવો જોઈએઃ શંભુભાઈ સરિયા
આ બાબતે યુવતીનાં પિતા શંભુભાઈ સરિયાએ જણાવ્યું હતું કે, આજે અમે પોલીસ ફરિયાદ નોંધાવી છે. ત્યારે પોલીસ દ્વારા કહ્યું હતું કે તમને ન્યાય મળશે. અમારી દિકરીનું જે કંઈ બન્યું છે. એનો ન્યાય મને મળવો જોઈએ. ઘટનાં બને સાત દિવસ થયા કોઈ અમારી ફરિયાદ નથી સ્વીકારતું. આજે પોલીસ ફરિયાદ સ્વીકારી છે. ત્યારે મારી દિકરીને ન્યાય મળે તેવી મારી માંગ છે.
સાત દિવસ બાદ અમારી ફરિયાદ લેવામાં આવે છેઃ જયેશ ઠાકોર
આ બાબતે કોળી સમાજનાં આગેવાન જયેશ ઠાકોરે જણાવ્યું હતું કે, સાત દિવસ બાદ અમારી ફરિયાદ લેવામાં આવે છે. અને આજે અમને એવું કહેવામાં આવે છે કે, એક વ્યક્તિ અમારી સામે છે. જે અભયરાજસિંહ કરીને છે. જેનું નામ લઈ તેની પર ફરિયાદ દાખલ કરી છે. ફરિયાદમાં એવો ઉલ્લેખ કરવામાં આવ્યો છે કે તેણે તેની સાથે ચેટ કરી હતી. તેની સાથે વાત કરી હતી. તેમજ તેની સાથે ઝઘડો કર્યો હતો. તેમજ વારંવાર તેને કોલ કરેલા હતા. તેમજ તેને ફોટા પણ મોકલેલ હતા. તેનાં પરથી અભયરાજસિંહ પર ફરિયાદ દાખલ કરવામાં આવી છે.
