- FCIમાં ઘોટાળાને લઈને CBI પાડ્યાં દરોડા
- FCIનાં DGM રાજીવ મિશ્રાની ધરપકડ
- 74 આરોપીઓની સામે નોંધ્યો કેસ
ભારતીય ખાદ્ય નિગમ FCIમાં ઘોટાળાને લઈને CBIએ બુધવારે મોટું પગલું ભર્યું છે. CBIએ હરિયાણા, પંજાબ અને દિલ્હી સ્થિત 50થી વધુ સ્થળો પર દરોડા માર્યા હતાં. CBIએ FCIનાં DGM રાજીવ મિશ્રાની ધરપકડ કરી છે. CBIએ રાજીવ મિશ્રાને રંગે હાથ લાંચ લેતા પકડી પાડ્યાં છે.
60 લાખ રૂપિયા મળી આવ્યાં
કેન્દ્રીય તપાસ એજન્સી CBIએ FCIનાં ડેપ્યુટી જનરલ મેનેજર રાજીવ કુમાર મિશ્રાને રંગે હાથે લાંચ લેતા ધરપકડ કરેલ છે, ત્યારબાદ છાપામારી શરૂ કરી જેમાં CBIએ અત્યાર સુધી60 લાખ રૂપિયા પકડી પાડ્યાં છે. ફૂડ કૉરપોરેશન ઑફ ઈન્ડિયા સાથે સંકળાયેલ ઘોટાળામાં સીબીઆઈએ 74 આરોપીઓની સામે ફરિયાદ નોંધી છે.
CBIને કેસ સંબંધિત ડોક્યુમેન્ટ્સ મળ્યાં
CBI અધિકારીએ માહિતી આપી કે CBIની FCIનાં ભ્રષ્ટ અધિકારીઓ અને અનાજ મિલ માલિકો પર ઘણાં સમયથી નજર હતી. સમગ્ર તૈયારી બાદ બુધવારે એજન્સીએ અધિકારીઓની સામે પગલું ભર્યું હતું. રેડ દરમિયાન cbiએ અલગ-અલગ સ્થળોથી કેસ સંબંધિત દસ્તાવેજો પણ ભેગા કર્યાં છે. FCIનાં ડેપ્યુટી જનરલ મેનેજર રાજીવ કુમાર મિશ્રાને 50000 રૂપિયાની લાંચ લેતા એજન્સીએ પકડ્યાં છે.
74 આરોપીઓની સામે કેસ
અધિકારીઓએ આપેલી માહિતી અનુસાર આ સમગ્ર મામલામાં 74 આરોપીઓની સામે કેસ નોંધવામાં આવ્યો છે. તેમણે કહ્યું કે FCIમાં ટેકનિકલ સહાયકોથી લઈને કાર્યકારી નિર્દેશકો સુધીની ભૂમિકામાં એજન્સીએ તપાસ કરી છે. પંજાબ અને હરિયાણાનાં કેટલાક શહેરોની સાથે જ દિલ્હીમાં 2 સ્થાનો પર રેડ પાડવામાં આવી હતી.
