બનાસકાંઠા / હે કુદરત તારો ખેલ.! એક તરફ સૌરાષ્ટ્ર પાણી પાણી અને બીજી તરફ ઉત્તરમાં વરસાદની કાગડોળે રાહ, ખેડૂતોનો પાક મુરઝાયો

• બનાસકાંઠામાં વરસાદ ખેંચાતા ખેડૂતોમાં ચિંતાનો માહોલ
• છેલ્લા 15 દિવસથી વરસાદ ન આવતા ખેડૂતો પરેશાન
• ખેડૂતોના વાવેલા પાકો સુકાઈ રહ્યા છે

ગુજરાતમાં ચોમાસાની શરૂઆત શરુ થઇ ગઇ છે. ગુજરાતમાં હાલ સૌરાષ્ટ્ર બાજુ જળબંબાકાર જોવા મળી રહ્યું છે. જોકે ઉત્તર ગુજરાત તરફ વરસાદ બિલકુલ નથી. ત્યારે બનાસકાંઠામાં પણ શરૂઆતના વરસાદમાં ખેડૂતોએ પોતાના પાકોનું વાવેતર કર્યું હતું. પરંતુ છેલ્લા 15 દિવસથી વરસાદ ન આવતા ખેડૂતોને પાક બચાવવા મુશ્કેલ બન્યા છે. થરાદ, પાલનપુર, વડગામ, દાંતીવાડા ધાનેરા સહિતના તાલુકાઓમાં પાણીની વિકટ સમસ્યા જોવા મળી રહી છે. ખેડૂતોના બોરમાં પણ પાણી નથી અને તેના કારણે તેઓ ચોમાસા આધારિત ખેતી કરતા હોય છે. ત્યારે હાલમાં વરસાદ ખેંચાતા ખેડૂતોના વાવેલા પાકો સુકાઈ રહ્યા છે. જેના કારણે ખેડૂતોને નુકસાનની ભીતિ સેવાઈ રહી છે.

ખેતી પાક બચાવો મુશ્કેલ
બનાસકાંઠામાં સારો વરસાદ થતાં ખેડૂતોએ પાકોનું વાવેતર શરૂ કર્યું હતું. પરંતુ છેલ્લા 15 દિવસથી વરસાદ ન આવતા ખેતી પાક બચાવો મુશ્કેલ છે. બનાસકાંઠામાં પાલનપુર, વડગામ, દાંતીવાડા, ધાનેરા સહિતના તાલુકાઓમાં પાણીની વિકટ સમસ્યા છે, જ્યાં તળમાં પાણી નથી એટલે ખેડૂતો ખેતી કરી શકતા નથી પરંતુ ચોમાસા દરમિયાન વરસાદના કારણે ખેડૂતો વાવેતર કરતા હોય છે. ત્યારે વાવેતરના 15 દિવસ બાદ પણ વરસાદ ન આવતા હવે પાકો સુકાઈ રહ્યો છે.

ખેડૂતો પાક નુકસાનની ભીતિ સેવી રહ્યાં 
બનાસકાંઠામાં પ્રથમ રાઉન્ડમાં જ સાર્વત્રિક વરસાદને લઈને ખેડૂતો ખુશ હતા અને પોતાના ખેતરોમાં વાવણીની શરૂઆત કરી હતી. કપાસ, પપૈયા, બાજરી, દિવેલા, મગફળી સહિતના મોંઘા બિયારણ લાવી પાકોનું વાવેતર કર્યું છે. જિલ્લાના અમુક તાલુકા એવા છે જ્યાં ખેડૂતોના બોરમાં પાણી નથી અને તેના કારણે તેઓ ચોમાસા આધારિત ખેતી કરતા હોય છે ત્યારે હાલમાં વરસાદ ખેંચાતા ખેડૂતોના વાવેલા પાકો સુકાઈ રહ્યા છે જેના કારણે ખેડૂતો નુકસાનની ભીતિ સેવી રહ્યાં છે.